GOT7 ចេញមកលើកនេះខ្លាំងលើសដើម វាយយកលេខ១លើ iTunes ដល់ទៅ៤០ប្រទេស
- 2020-04-21 09:58:18
- ចំនួនមតិ 0 | ចំនួនចែករំលែក 0
GOT7 ចេញមកលើកនេះខ្លាំងលើសដើម វាយយកលេខ១លើ iTunes ដល់ទៅ៤០ប្រទេស
ចន្លោះមិនឃើញ
GOT7 បានចេញបទចម្រៀងថ្មីកាលពីថ្ងៃទី ២០ ខែមេសា ឆ្នាំ២០២០ ហើយជាពេលដែលអ្នកគាំទ្រក្រុមនេះរីករាយបំផុត។
វិលវិញលើកនេះ GOT7 កាន់តែខ្លាំង មានន័យថាពួកគេបានជាប់ភ្លាមលើតំណែងលេខ ១លើតារាង World Albums របស់ iTunes ដល់ទៅជាង ៤០ប្រទេសឯណោះ។
ជាក់ស្ដែងបើផ្អែកតាមផលិតកម្ម JYP បានឲ្យដឹងថាអាល់ប៊ុមតូចថ្មីរបស់ក្រុម GOT7 ដែលចេញថ្ងៃទី ២០ ខេមេសា មានឈ្មោះថា «Dye» បានជាប់លេខកំពូលលើតារាង iTunes នៅប្រទេសអូស្ត្រាលី អូទ្រីស ប្រេស៊ីល ឈីលី ដាណឺម៉ាក ក្រិក ហុងកុង ឥណ្ឌា អ៊ីតាលី រុស្ស៊ី ថៃ វៀតណាម ហ្វាំងឡង់ អាល្លឺម៉ង់ និងបណ្ដាប្រទេសផ្សេងទៀតមកដល់ថ្ងៃទី ២១ដែរ។
ចំណែកបទចម្រៀងមេប្រចាំអាល់ប៊ុមមានចំណងជើងថា "NOT BY THE MOON" ដែលបានបង្ហាញលើ YouTube ក៏មានអ្នកចាប់អារម្មណ៍ចូលមើលជាបន្តបន្ទាប់ គិតមកទល់ថ្ងៃទី ២១ ខែមេសា វាមានចំនួនជាង ៧លានដងហើយ៕