ឱកាសជជែកកម្សាន្តមួយស្មើជាមួយ Floyd គ្រាន់តែចំណាយត្រឹមតែជិត១ ៥០០ដុល្លារប៉ុណ្ណោះ

2020-04-23 02:48:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ឱកាសជួបនិយាយជាមួយកំពូលអ្នកប្រដាល់ម្នាក់មិនមែនចេះតែកើតមានទេ តែពេលនេះ Floyd Mayweather បានបើកឲ្យអ្នកគាំទ្រអាចជជែកលេងជាមួយគេតាមរយៈអនឡាញ។

Mayweather បានផ្អាកសកម្មភាពប្រកួតជិត៣ឆ្នាំ បន្ទាប់ពីប្រកួតចុងក្រោយជាមួយជើងខ្លាំងប្រចាំស្ថាប័ន UFCគឺ Conor McGregor និងអ្នកប្រដាល់ជប៉ុន Tenshin Nasukawa។ ឆ្នាំនេះគេមានគម្រោងអាចនឹងប្រកួតជាមួយ McGregor ម្ដងទៀតឬ Khabib Nurmagomedov ប៉ុន្តែគ្រប់សកម្មភាពកីឡាធំៗទាំងអស់នៅលើពិភពលោកត្រូវបានបិទដោយសារវីរុសកូរ៉ូណា។

សម្រាប់ពេលនេះកីឡាករវ័យ៤៣ឆ្នាំបានបើឱកាសជួបជាមួយអ្នកគាំទ្រមួយទល់នឹងមួយតាមរយៈ Video Chat លើវិបសាយ Fanmino ដោយគ្រាន់តែចំណាយ១ ២០០ផោន (ជិត១ ៥០០ដុល្លារ)។ និយាយលើវិបសាយ Fanmino អ្នកប្រដាល់អាមេរិកប្រាប់ថា៖ “ពេលនេះជាឱកាសរបស់អ្នកទាំងអស់គ្នាជួបជាមួយខ្ញុំ គ្មានបញ្ហាទេទោះអ្នកនៅទីណាក៏ដោយ”។

Floyd បានបន្ថែមថា៖ “អ្នកអាចសួរខ្ញុំគ្រប់យ៉ាង សួរខ្ញុំពីការប្រកួតទាំង៥០ដង សួរខ្ញុំពីរបបអាហារ ការប្រកួតពិសេសបំផុតសម្រាប់ខ្ញុំ សួរពីការផ្ដួលដៃគូឲ្យសន្លប់ល្អបំផុតសម្រាប់ខ្ញុំ ខ្ញុំធ្វើអ្វីរាល់ថ្ងៃ និងការចូលនិវត្តន៍”៕

ប្រភព៖ Dailymail ប្រែសម្រួល៖ ហេង សុធារិទ្ធិ