Telegram នឹងបន្ថែមមុខងារវីដេអូខលជាក្រុម ក្នុងឆ្នាំនេះ
- 2020-04-27 01:46:57
- ចំនួនមតិ 0 | ចំនួនចែករំលែក 0
Telegram នឹងបន្ថែមមុខងារវីដេអូខលជាក្រុម ក្នុងឆ្នាំនេះ
ចន្លោះមិនឃើញ
កម្មវិធីផ្ញើសារ Telegram កំពុងអភិវឌ្ឍន៍នូវសេវាកម្មវីដេអូខលជាក្រុម ដែលនឹងត្រូវដាក់ដំណើរការនាចុងឆ្នាំ ២០២០ នេះ។ Telegram ប្រកាសផែនការនេះស្របជាមួយដំណឹងអំពីចំនួនអ្នកប្រើប្រាស់ប្រចាំខែដែលកើនឡើងដល់ ៤០០លាននាក់។
Telegram អះអាងថាសេវាកម្មវីដេអូខលជាក្រុមដែលមានផ្ដល់ជូនដោយក្រុមផ្សេងនាពេលបច្ចុប្បន្ននេះ រវាងសុវត្ថិភាពខ្ពស់ និងភាពងាយស្រួលគឺមានតែមួយចំណុចប៉ុណ្ណោះ។ ប៉ុន្តែសេវាកម្មរបស់ខ្លួនគឺនឹងមានទាំងពីរចំណុចតែម្ដង ពោលសុវត្ថិភាពខ្ពស់ ហើយងាយស្រួលប្រើទៀត។ ការអះអាងនេះប្រៀបដូចជាបញ្ឆិតបញ្ឆៀងឌឺដងដល់កម្មវិធី Zoom ដែលកើតមានរឿងអាស្រូវទាក់ទងនឹងផ្នែកសុវត្ថិភាពជាច្រើនដងក្នុងពេលថ្មីៗនេះ៕