មកស្គាល់ Gamer ចាស់ជាងគេក្នុងលោក

2020-05-18 01:35:20
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកយាយ Hamako Mori ដែលជាជនជាតិជប៉ុន មានវ័យ ៩០ឆ្នាំ ត្រូវបានសៀវភៅកំណត់ត្រាពិភពលោក Guinness World Records ទទួលស្គាល់ថាជា YouTuber ខាងលេងហ្គេមដែលមានវ័យចំណាស់ជាងគេក្នុងលោក។

លោកយាយកើតនៅថ្ងៃទី ១៨ ខែកុម្ភៈ ឆ្នាំ ១៩៣០ ដែលបានចាប់ផ្ដើមលេងហ្គេមរយៈពេល ៣៩ឆ្នាំមកហើយ ដោយម៉ាស៊ីនហ្គេមដំបូងគេរបស់លោកយាយគឺ Cassette Vision ដែលមានរក្សាទុកមកទល់បច្ចុប្បន្ននេះ។

បច្ចុប្បន្ននេះលោកយាយលេងហ្គេមលើ PlayStation 4 ដោយលេងពពួកហ្គេម Action ហើយហ្គេមដែលចាប់អារម្មណ៍ជាងគេគឺ Gran Turismo 5 ដែលលោកយាយបានរៀបរាប់ថាការលេងហ្គេមនេះប្រៀបដូចជាមើលខ្សែភាពយន្តអ៊ីចឹង។

លោកយាយ Hamako ក៏បានចែករំលែកនូវការលេងហ្គេមរបស់ខ្លួនលើបណ្ដាញ YouTube ដែលបច្ចុប្បន្ននេះបានបង្ហោះវីដេអូចំនួន ១០៨វីដេអូ និងមាន Subscriber ជិត ២០ម៉ឺននាក់ទៀតផង។ លោកយាយបានថ្លែងថា សប្បាយចិត្តនៅពេលដែលបានអាន Comment ក្រោមវីដេអូ ដោយវាបានលើកទឹកចិត្តលោកយាយឲ្យបង្កើតវីដេអូបន្ថែមទៀត៕

ប្រភព៖ vnexpress ប្រែសម្រួល៖ សុខហេង