ក្រុម Hacker លួចបានទិន្នន័យទំហំ ៧៥៦GB អះអាងថាក្នុងនោះមានទិន្នន័យរបស់ ដូណាល់ត្រាំ
- 2020-05-18 05:57:28
- ចំនួនមតិ 0 | ចំនួនចែករំលែក 0
ក្រុម Hacker លួចបានទិន្នន័យទំហំ ៧៥៦GB អះអាងថាក្នុងនោះមានទិន្នន័យរបស់ ដូណាល់ត្រាំ
ចន្លោះមិនឃើញ
ពេលថ្មីៗនេះបើតាមប្រភពពីសារព័ត៌មាន Forbes បានផ្សព្វផ្សាយថាមាន ក្រុមអ្នកវាយប្រហារមួយ (REvil) បានលួចយកទិន្នន័យប្រមាណ 756GB ពីការិយាល័យមេធាវីដែលមានអតិថិជនភាគច្រើនជាសិល្បករល្បីៗមានដូចជា Lady Gaga, Bruce Springsteen, Ella Mai, Christina Aguilera, Mariah Carey, Bette Midler, Jessica Simpson, Priyanka Chopra និងក្រុមហ៊ុន Facebook ជាដើម។
ដំបូងក្រុមអ្នកវាយប្រហារ បានធ្វើការទាមទារប្រាក់ចំនួន ២១លានដុល្លារពីក្រុមមេធាវី ជាថ្នូរនឹងការមិនបញ្ចេញព័ត៌មានសម្ងាត់ទាំងនោះ ប៉ុន្តែចំនួនទឹកប្រាក់នេះត្រូវបានដំឡើងទៅ ៤២លានដុល្លារដោយពួកគេបានអះអាងថា មានទិន្នន័យរបស់លោកប្រធានាធិបតី ដូណាល់ ត្រាំ ផងដែរ។
នេះជាការក្រើនរំឭកមួយសម្រាប់ការប្រើប្រាស់បច្ចេកវិទ្យានៅតាមបណ្ដាញអ៊ីនធឺណិត ដែលមានការពាក់ព័ន្ធទៅនឹងសុវត្ថិភាព និងទិន្នន័យរបស់អ្នកប្រើប្រាស់ សូមមានការប្រុងប្រយ័ត្នចំពោះការប្រើប្រាស់ និងត្រូវមានប្រព័ន្ធសុវត្ថិភាព កម្មវិធីកម្ចាត់មេរោគ ប្រើលេខសម្ងាត់ដែលពិបាកនឹងស្មានបាន កុំរក្សាទុកលេខសម្ងាត់ឬឯកសារសំខាន់ៗក្នុងកុំព្យូទ័រ ដើម្បីជៀសវាងការលួចយកទិន្នន័យមិនត្រឹមតែពីក្រុមអ្នកវាយប្រហារ ជាពិសេសពីមនុស្សដែលលោកអ្នកទុកចិត្តឱ្យប្រើ ឬអ្នកជួសជុលកុំព្យូទ័រខ្លះៗនោះតែម្ដង៕