ខេត្តព្រះសីហនុ ទទួលបានការចាប់អារម្មណ៍ជាសកល ជុំវិញការអភិវឌ្ឍសេដ្ឋកិច្ចរបស់ខ្លួនក្នុងរយៈពេលប៉ុន្មានឆ្នាំចុងក្រោយនេះ។ ខេត្តព្រះសីហនុ ជាតំបន់សេដ្ឋកិច្ចពិសេសតែមួយគត់នៅក្នុងប្រទេសកម្ពុជា និងជាកំពង់ផែសមុទ្រទឹកជ្រៅធំជាងគេនៅក្នុងប្រទេសកម្ពុជា។ លើសពីនេះ ខេត្តព្រះសីហនុក៏ជាផ្នែកមួយដ៏សំខាន់នៃគម្រោងអភិវឌ្ឍន៍ត្រីកោណមាស “ភ្នំពេញ - សៀមរាប - ខេត្តព្រះសីហនុ” នៃក្រុមហ៊ុនព្រីនស៍ រៀល អ៊ីស្ទេត (ខេមបូឌា) គ្រុប ដែលជា​ក្រុមហ៊ុនអចលនទ្រព្យ​​ដ៏ធំលេចធ្លោ​មួយ​នៅ​កម្ពុជា។

ក្នុងនាមជាសហគ្រាសឈានមុខគេក្នុងវិស័យអចលនទ្រព្យនៅកម្ពុជា ក្រុមហ៊ុនព្រីនស៍ រៀល អ៊ីស្ទេត (ខេមបូឌា) គ្រុប បានរៀបចំផែនការ និងដាក់ចេញនូវគម្រោងជាច្រើននៅខេត្តព្រះសីហនុ ដែលក្នុងនោះរួមមានគម្រោងព្រីនស៍ ធាន ស៊ី វ៉ាន គម្រោងព្រីនស៍ អាយធី បៀលឌីង គម្រោងព្រីនស៍ ស៊ីធី សេនធើ សណ្ឋាគារព្រីនស៍ ថាម ហូថេល និងគម្រោងផ្សេងទៀតជាច្រើន។ នាពេលខាងមុខ ក្រុមហ៊ុននឹងរៀបចំទីនេះឲ្យក្លាយជាតំបន់ចង្កោមឧស្សាហកម្មខ្នាតធំមួយ ដោយរួមបញ្ចូលការសម្រាកកម្សាន្ត វិស្សមកាលទេសចរណ៍ សណ្ឋាគារលំដាប់ខ្ពស់ តំបន់ធុរកិច្ចអន្តរជាតិ និងកន្លែងស្នាក់នៅដែលមានគុណភាពខ្ពស់ ក្នុងគោលបំណងជួយជម្រុញខេត្តព្រះសីហនុឲ្យក្លាយទៅជារមណីយដ្ឋានឆ្នេរសមុទ្រលំដាប់ថ្នាក់អន្តរជាតិ។

ការ​​ពង្រីកវិសាលភាពអាជីវកម្មជាលំដាប់របស់​ក្រុមហ៊ុន​នេះ បាន​ជួយជម្រុញខេត្តព្រះសីហនុ ឲ្យមានការអភិវឌ្ឍបន្ថែមមួយកម្រិតទៀត។ បន្ថែមលើនេះ ក្រុមហ៊ុន​ក៏បាន​បន្ត​ធ្វើ​សកម្មភាព​សប្បុរសធម៌​ជា​បន្តបន្ទាប់​ផងដែរ ផ្តល់ផលប្រយោជន៍ដល់ប្រជាជនជាច្រើនក្នុងខេត្តព្រះសីហនុ។ ទាំងនេះ​ គឺសុទ្ធតែជាចក្ខុវិស័យនៃការដឹកនាំរបស់ក្រុមហ៊ុនព្រីនស៍ រៀល អ៊ីស្ទេត (ខេមបូឌា) គ្រុប។

ជាក់ស្ដែង កាលពី​ថ្ងៃទី ២១ ខែឧសភា ឆ្នាំ ២០២០ ក្រុមហ៊ុនព្រីនស៍ ហូល ឌីង គ្រុប បានឧបត្ថម្ភថវិកាចំនួន ៥ ម៉ឺនដុល្លារអាមេរិក ដល់សាខាកាកបាទក្រហមកម្ពុជាខេត្តព្រះសីហនុ ក្នុងគោលបំណងបម្រើសកម្មភាពមនុស្សធម៌របស់សាខាកាកបាទក្រហមកម្ពុជាខេត្តព្រះសីហនុ។ លោក XU ZHIXING អភិបាលនិងជាអគ្គលេខាធិការនៃក្រុមហ៊ុនព្រីនស៍ ហូល ឌីង គ្រុប បានប្រគល់ថវិកានេះជូនដល់ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ។ ឯកឧត្តម គួច ចំរើនបានសម្តែងនូវអំណរគុណយ៉ាងជ្រាលជ្រៅចំពោះសកម្មភាពសប្បុរសធម៌របស់ក្រុមហ៊ុនព្រីនស៍ ហូល ឌីង គ្រុប។

កាកបាទក្រហមកម្ពុជា ជាអង្គការមនុស្សធម៌ធំជាងគេនៅកម្ពុជា និងជាស្ថាប័នសាធារណៈសម្រាប់បម្រើសកម្មភាពមនុស្សធម៌ដែលត្រូវបានទទួលស្គាល់ដោយរាជរដ្ឋាភិបាលកម្ពុជា។ ឆ្នាំនេះ គឺជាខួបទី ១៥៧ ទិវាពិភពលោក កាកបាទក្រហមនិងអឌ្ឍចន្ទក្រហម ទោះបីព្រឹត្តិការណ៍នេះត្រូវបានលុបចោលដោយសារផលប៉ះពាល់នៃជម្ងឺកូវិដ-១៩ក៏ដោយ ក៏ក្រុមហ៊ុនព្រីនស៍ រៀល អ៊ីស្ទេត (ខេមបូឌា) គ្រុប នៅតែគាំទ្រដល់ការងារមនុស្សធម៌របស់កាកបាទក្រហមកម្ពុជា ដោយខិតខំប្រឹងប្រែងប្រមូលថវិកា និងជួយជម្រុញដល់ការងារសប្បុរសធម៌នៅខេត្តព្រះសីហនុដែរ។ គិតមកដល់បច្ចុប្បន្ន ក្រុមហ៊ុនព្រីនស៍ រៀល អ៊ីស្ទេត (ខេមបូឌា) គ្រុបបានឧត្ថម្ភថវិកាសរុបប្រមាណជាង ១,៥ លានដុល្លារអាមេរិក ដល់កាកបាទក្រហមកម្ពុជា។

ក្នុងនាមជាសហគ្រាសឈានមុខគេក្នុងវិស័យអចលនទ្រព្យនៅកម្ពុជា ក្រុមហ៊ុនព្រីនស៍ រៀល អ៊ីស្ទេត (ខេមបូឌា) គ្រុប ប្តេជ្ញាចូលរួមចំណែកក្នុងការអភិវឌ្ឍរបស់ប្រទេសកម្ពុជា។ នៅថ្ងៃខាងមុខ ក្រុមហ៊ុនព្រីនស៍ រៀល អ៊ីស្ទេត (ខេមបូឌា) គ្រុប នឹងបន្តតួនាទីជាអ្នកដឹកនាំ ក៏ដូចជាអ្នកអនុវត្តការងារសប្បុរសធម៌នៅកម្ពុជា ដើម្បីតបស្នងដល់សង្គមកម្ពុជា។ យើងរួមគ្នាកសាងប្រទេសកម្ពុជាឲ្យកាន់តែប្រសើរ៕