ជាអ្នកជំនាញ IT ផង ជាតារាចម្រៀងផង វង្ស វេហា ស្នើសុំពីមហាជននូវរឿងមួយ
- 2020-05-27 03:44:50
- ចំនួនមតិ 0 | ចំនួនចែករំលែក 0
ជាអ្នកជំនាញ IT ផង ជាតារាចម្រៀងផង វង្ស វេហា ស្នើសុំពីមហាជននូវរឿងមួយ
ចន្លោះមិនឃើញ
តារាចម្រៀងប្រចាំផលិតកម្ម មរតក មេឌៀ លោក វង្ស វេហា សុំឲ្យមហាជនបើកបេះដូងទទួលយកអ្នកសិល្បៈវ័យក្មេងជំនាន់ក្រោយ ដើម្បីលើកកម្ពស់មរតកសិល្បៈខ្មែរ និងអ្នកសិល្បៈផ្ទាល់។
ស្ថិតក្នុងវ័យ២៨ឆ្នាំ តារាចម្រៀងសម្បុរស្រអែម និងសម្បូរពុកចង្កា វង្ស វេហា ចាត់ទុកការគាំទ្ររបស់មហាជន គឺជាកម្លាំងលើកទឹកចិត្តយ៉ាងសំខាន់ដែលនាំឲ្យរូបលោក និងអ្នកសិល្បៈវ័យក្មេងដទៃទៀតកាន់តែមានកម្លាំងចិត្តបញ្ចេញស្នាដៃថ្មីៗ ដើម្បីបម្រើអារម្មណ៍ប្រិយមិត្តឲ្យបានគ្រប់រសជាតិ។
ចំពោះរូបលោក នឹងខ្នះខ្នែងបញ្ចេញនូវស្នាដៃបទចម្រៀងថ្មីៗបន្ថែមទៀត បើទោះបីជាមមាញឹកខ្លាំងក្ដី។ លោក វង្ស វេហា កំពុងបំពេញការងារផ្នែក អាយ ធី នៅក្នុងក្រុមហ៊ុនមួយចាប់ពីថ្ងៃច័ន្ទ ដល់ថ្ងៃសុក្រ ហើយបានឆ្លៀតពេលច្រៀងឲ្យផលិតកម្ម មរតក មេឌៀ នៅរៀងរាល់ថ្ងៃសៅរ៍ និងថ្ងៃអាទិត្យ។
ដោយមានចំណង់ចំណូលចិត្តផ្នែកចម្រៀង វេហា បានឆ្លៀតពេលចេញបទចម្រៀង MV ជាបន្តបន្ទាប់ហើយបទថ្មីមួយដែលទើបចេញមានចំណងជើងថា"ខ្មាសអ្នកប៉ោយប៉ែត" ក៏ពីរោះណាស់ដែរ។
លោក វង្ស វេហា ទើបប្រឡូកក្នុងវិស័យសិល្បៈនៅចុងឆ្នាំ២០១៩ ហើយទើបច្រៀងបទមនោសញ្ចេតនាបាន៤បទប៉ុណ្ណោះ។ ប៉ុន្តែបទទាំងនោះសុទ្ធតែទទួលបានការគាំទ្រច្រើនពីមហាជន ដោយសារតែទឹកដមសំនៀងរបស់លោកពីរោះរណ្ដំចិត្ត មិនចាញ់សំឡេងអ្នកចម្រៀងចាស់វស្សាប៉ុន្មានឡើយ៕