ថៃរកឃើញអ្នកឆ្លងវីរុសថ្មី ៩ករណី ក្នុងនោះ ២នាក់ទើបត្រឡប់មកពីអាមេរិក
- 2020-05-28 04:09:37
- ចំនួនមតិ 0 | ចំនួនចែករំលែក 0
ថៃរកឃើញអ្នកឆ្លងវីរុសថ្មី ៩ករណី ក្នុងនោះ ២នាក់ទើបត្រឡប់មកពីអាមេរិក
ចន្លោះមិនឃើញ
ប្រទេសថៃបានរាយការណ៍ពីករណីឆ្លងវីរុសនេះចំនួន ៩ ករណីកាលពីថ្ងៃពុធកន្លងទៅ។ អ្នកឆ្លងថ្មីទាំងអស់ គឺជាអ្នកដែលត្រូវបានដាក់ឱ្យស្ថិតនៅដាច់ដោយឡែកបន្ទាប់ពីពួកគេបានវិលត្រឡប់មកពីបរទេស។
ក្នុងចំណោមអ្នកឆ្លងថ្មីទាំងអស់ មានបុរសថៃពីរនាក់អាយុ ១៨ និង ២៧ ដែលទើបត្រឡប់មកពីសហរដ្ឋអាមេរិកកាលពីថ្ងៃទី ១២ ខែឧសភា។ លោកវេជ្ជបណ្ឌិត Taweesin Visanuyothin អ្នកនាំពាក្យមជ្ឈមណ្ឌលសម្រាប់រដ្ឋបាលស្ថានការណ៍ Covid-19 (CCSA) បាននិយាយថាករណីថ្មី បានធ្វើឲ្យចំនួនសរុបកើនឡើងដល់ ៣ ០៥៤ ករណីនៅទូទាំងប្រទេស។ ករណីនៃការជាសះស្បើយឡើងវិញសរុប មាន ២ ៩៣១ នាក់ខណៈដែលអ្នកជំងឺ ៦៦ នាក់កំពុងសម្រាកព្យាបាលនៅមន្ទីរពេទ្យ ហើយអ្នកស្លាប់នៅចំនួន ៥៧នាក់ដដែល៕