ទូរសព្ទណាខ្លះអាចថតរូប ថតវីដេអូ ថតពេលយប់ ឬ Zoom បានស្អាតដាច់គេ?
- 2020-06-01 08:45:00
- ចំនួនមតិ 0 | ចំនួនចែករំលែក 0
ទូរសព្ទណាខ្លះអាចថតរូប ថតវីដេអូ ថតពេលយប់ ឬ Zoom បានស្អាតដាច់គេ?
ចន្លោះមិនឃើញ
ស្ថាប័នជំនាញខាងវាយតម្លៃសមត្ថភាពកាមេរ៉ា DxOMark បានចេញផ្សាយបញ្ជីអំពីស្មាតហ្វូនដែលមានកាមេរ៉ាល្អដាច់គេគិតត្រឹមបច្ចុប្បន្ន ដោយមានចែកចេញជាច្រើនប្រភេទ ក្នុងនោះរួមមាន ៖
ជាមួយពិន្ទុចំនួន ១៤០ នៃការថតរូបសន្លឹក ធ្វើឲ្យ P40 Pro នាពេលនេះគឺជាស្មាតហ្វូនដែលទទួលបានពិន្ទុខ្ពស់ជាងគេលើការថតរូបសន្លឹក។
មិនត្រឹមតែខ្លាំងលើការថតរូបសន្លឹក ប៉ុន្តែ P40 Pro ក៏ស្ថិតនៅលំដាប់កំពូលនៃការថតវីដេអូផងដែរ ដែលវាទទួលបានពិន្ទុ ១០៥ សម្រាប់ការថតវីដេអូ។
នៅផ្នែកថតរូបប្លង់ទូលាយ Galaxy S20 Ultra អាចទទួលបានពិន្ទុចំនួន ៤៧ពិន្ទុ ជាលំដាប់ពិន្ទុខ្ពស់ជាងគេសម្រាប់ផ្នែកនេះ។
សម្រាប់ការថតរូបនៅទីងងឹត និងទីខ្វះពន្លឺ គឺ Huawei P40 Pro ទទួលបានពិន្ទុ ៧០ ដែលជាពិន្ទុមួយខ្ពស់ជាងគេ ក្រោយឆ្លងកាត់ការធ្វើតេស្តច្រើនប្រភេទ មានថតដោយបើក Flash, ថតដោយបិទ Flash និងថតប្រើ Night Mode ជាដើម។
កាមេរ៉ារបស់ P40 Pro មានសមត្ថភាពខ្លាំងដែលអាចធ្វើការ Zoom បែប Optical បានរហូតដល់ ៥ដងឯណោះ ដែលអាចឲ្យវាទទួលបាន ១១៥ពិន្ទុ លើការថតរូបភាព Zoom។
នាពេលបច្ចុប្បន្ននេះស្មាតហ្វូនដែលជាម្ចាស់ជើងឯកខាងការថតរូបភាព Bokeh ដែលព្រាលផ្នែកខាងក្រោយ គឺបានទៅលើ Galaxy Note10+ 5G ដែលវាបាន ៧៥ពិន្ទុ ក្រោយការធ្វើតេស្ត៕