ល្អនៅតែល្អ! Werner ដាក់១គ្រាប់ជួយឱ្យ RB Leipzig ឈ្នះ FC Koln ៤-២ យប់មិញ
- 2020-06-02 02:07:02
- ចំនួនមតិ 0 | ចំនួនចែករំលែក 0
ល្អនៅតែល្អ! Werner ដាក់១គ្រាប់ជួយឱ្យ RB Leipzig ឈ្នះ FC Koln ៤-២ យប់មិញ
ចន្លោះមិនឃើញ
កាលពីយប់មិញខ្សែប្រយុទ្ធមុតស្រួច Timo Werner ស៊ុតបាន១គ្រាប់នៅនាទី៥០ជួយឱ្យក្រុម RB Leipzig ឈ្នះ ៤-២ លើ FC Koln ឈរលេខរៀងទី៣មាន៥៨ពិន្ទុ នៅលីគកំពូលអាល្លឺម៉ង់ និងមានគម្លាតតែ២ពិន្ទុប៉ុណ្ណោះ ពីក្រុមលេខ២ Dortmund ចំណែកលេខ១ បានលើ Bayern Munich មាន៦៧ពិន្ទុ។
បើកការប្រកួតដំបូងត្រឹម៧នាទីប៉ុណ្ណោះ Cordoba កីឡាករ FC Koln រកបាន១គ្រាប់នៅនាទីទី៧នាំមុខ ១-០ ប៉ុន្តែនាទីទី២០ Schick ខ្សែប្រយុទ្ធរបស់ RB Leipzig រកបានគ្រាប់បាល់តាមស្មើវិញ។
ចូលដល់នាទី៣៨ ខ្សែបម្រើ Nkunku រកបាន១គ្រាប់ទៀតនាំមុខ FC Koln ២-១ រហូតចប់តង់ទី១។ ចូលតង់ទី២ ខ្សែប្រយុទ្ធសញ្ជាតិអាល្លឺម៉ង់ Werner រកបានគ្រាប់ទី៣នៅនាទីទី៥០ ប៉ុន្តែត្រឹម៥នាទីប៉ុណ្ណោះ ត្រូវ Modeste រកបាន១គ្រាប់សងវិញតាមពីក្រោយ ២-៣។ ទោះរកគ្រាប់បាល់បានច្រើនក្ដី ក៏ RB Leipzig មិនបន្ធូរជើងឡើយ ពោលគឺនៅនាទីទី៥៧ Olmo បានបន្ថែម១គ្រាប់ទៀត ចប់ការប្រកួត RB Leipzig ឈ្នះ FC Coln ៤-២។
គួរបញ្ជាក់ថា ១គ្រាប់យប់មិញរបស់ Timo Werner គឺជាគ្រាប់ទី២៥ ក្នុងក្របខ័ណ្ឌ Bundesliga និងជាគ្រាប់ទី១៥ ដែលរូបគេរកបានក្រៅដី។
កាលពីយប់មិញនេះ RB Leipzig គ្រប់គ្រងបាល់ ៥៣% ស៊ុតបាន ១៩ជើង ចំគោលដៅ ៩ជើង បាល់ជ្រុង ៧ដង និងកំហុស៧ ចំណែក FC Koln មានសាច់បាល់ ៤៧ ស៊ុតបាន៧ជើង ចំគោលដៅ ៥ជើង បាល់ជ្រុង៤ដង និងកំហុស ១៧ដង៕