ចិននឹងស្វែងរកជីវិតក្រៅភព ចាប់ពីខែកញ្ញានេះ
- 2020-06-02 06:46:30
- ចំនួនមតិ 0 | ចំនួនចែករំលែក 0
ចិននឹងស្វែងរកជីវិតក្រៅភព ចាប់ពីខែកញ្ញានេះ
ចន្លោះមិនឃើញ
លោក Zhang Tongjie ជាអ្នកវិទ្យាសាស្ត្រជាន់ខ្ពស់ដែលដឹកនាំផែនការស្វែងរកជីវិតក្រៅភពរបស់ចិន (ហៅកាត់ SETI) បាននិយាយថាតេឡេស្កុបយក្សឈ្មោះ FAST នឹងចាប់ផ្ដើមធ្វើការរុករកចាប់ពីខែកញ្ញាឆ្នាំនេះ។ នេះបើផ្អែកតាមការចុះផ្សាយរបស់សារព័ត៌មានរដ្ឋចិន Science and Technology Daily។
ការផលិតតេឡេស្កុបយក្ស FAST បានចាប់ផ្ដើមតាំងពីឆ្នាំ ២០១១ ហើយវាបានសម្រេចរួចរាល់ក្នុងឆ្នាំ ២០១៦។ គេបានចាប់ផ្ដើមប្រតិបត្តិការតេឡេស្កុបនេះនៅក្នុងខែមករា ឲ្យមានបើកឲ្យអ្នកតារាសាស្ត្រជុំវិញពិភពលោកចូលរួមប្រើប្រាស់វា។
កាលពីខែមីនា អ្នកវិទ្យាសាស្ត្រ SETI បានចេញផ្សាយឯកសារស្រាវជ្រាវអំពីលទ្ធផលនៃការរុករកដំបូងៗជាមួយតេឡេស្កុប FAST នេះ។ ក្នុងនោះមាននិយាយអំពីការស្រាវជ្រាវបន្ថែមដើម្បីពង្រឹងសមត្ថភាពរបស់តេឡេស្កុបក្នុងការលុបបំបាត់រលកហ្វ្រេកង់ដែលមានប្រភពចេញពីផែនដី និងអាចវិភាគដឹងសញ្ញាដែលអាចមានប្រភពចេញពីក្រៅភពផែនដីបានច្បាស់។ បច្ចុប្បន្ននេះតេឡេស្កុប FAST កំពុងស្ថិតក្រោមការកែសម្រួលលើចំណុចនេះ។
លោក Zhang បានបញ្ជាក់កាលពីខែមីនាថា ការស្វែងរកជីវិតក្រៅភពនឹងមិនពាក់ព័ន្ធនឹងការរុករកបែបវិទ្យាសាស្ត្រធម្មតាដែលជាភារកិច្ចរបស់តេឡេស្កុប FAST នោះទេ។ ភារកិច្ចរបស់ FAST រួមមានការរុករកផ្កាយ និងរលកសញ្ញាក្រៅភពដែលអាចឲ្យគេស្វែងយល់កាន់តែច្បាស់អំពីចក្រវាល៕