Brown៖ Sancho កំពុងលេងល្អដូច Ronaldo កាលនៅក្មេងអីចឹង
- 2020-06-02 07:44:54
- ចំនួនមតិ 0 | ចំនួនចែករំលែក 0
Brown៖ Sancho កំពុងលេងល្អដូច Ronaldo កាលនៅក្មេងអីចឹង
ចន្លោះមិនឃើញ
Wes Brown អតីតកីឡាករ Manchester United មើលឃើញថា Sancho កំពុងដើរតាមគន្លងរបស់ Cristiano Ronaldo ហើយ នៅត្រឹមវ័យនេះគឺអាចធ្វើបានល្អ ផ្លាស់ប្ដូរការប្រកួតបាន។
Sancho តារាកំពុងរះរបស់ Dortmund តែងតែធ្វើឱ្យគេចាប់អារម្មណ៍ពីមួយប្រកួតទៅមួយប្រកួត។ កីឡាករអង់គ្លេសនេះក៏ទើបតែរកបាន៣គ្រាប់ម្នាក់ឯងឱ្យក្រុម Dortmund យកឈ្នះលើក្រុមPaderborn ៦-១កន្លងទៅដែរ។ ជាមួយការធ្វើបានយ៉ាងល្អនេះដែរ បានធ្វើឱ្យ Brown នឹកឃើញដល់សម័យកាល Ronaldo លេងឱ្យ Man Utd ដែរ។
អតីតខ្សែការពារដែលលេងឱ្យ Man Utd ១៥ឆ្នាំខាងលើបាននិយាយថា៖ “យើងមើលគាត់មួយរយៈនេះឃើញថាគាត់ពិតជាធ្វើបានល្អមែនទែន ហើយប្រសិនបើ Man Utd អាចយករូបគេបានទៀតគឺកាន់តែល្អហើយ។ យើងធ្លាប់មានកីឡាករដូចគាត់នេះ កាលពីពេលកន្លងទៅ។ ម្នាក់នោះគឺ Cristiano Ronaldo។ ពួកគេជាប្រភេទកីឡាករដែលអាចធ្វើឱ្យខ្សែការពារ ៣ទៅ៤នាក់ ពិបាកដេញតាម ហើយវត្តមានរបស់ពួកគាត់តែងតែធ្វើឱ្យការប្រកួតស្រួលយកឈ្នះជានិច្ច”៕