យើងរួបរួមគ្នាតាំងចិត្តផលិតទឹកលាងដៃសម្លាប់មេរោគចែកជូនជនដែលខ្វះខាត
- 2020-06-06 02:30:00
- ចំនួនមតិ 0 | ចំនួនចែករំលែក 0
យើងរួបរួមគ្នាតាំងចិត្តផលិតទឹកលាងដៃសម្លាប់មេរោគចែកជូនជនដែលខ្វះខាត
ចន្លោះមិនឃើញ
« ខ្ញុំរួមទាំងយុវជនស័្មគ្រចិត្ត និង ដៃគូនានាបានសហការក្នុងសកម្មភាព ផលិត និង ចែកទឹកលាងដៃ សម្លាប់មេរោគ ចែកជូនដល់ជនដែលខ្វះខាតឲ្យកើតចេញជាសមទ្ធផល។ យើងត្រូវសាមគ្គីរួបរួមគ្នា ធ្វើអំពើល្អ ក្នុងសង្គមឲ្យកាន់តែ ច្រើនទើបប្រពៃ» លោក តាន់ គឹម សួរ
ក្នុងកំឡុងវិបត្តិកូវីដ១៩ ដោយសារការខ្វះខាតនូវសម្ភារសុវត្ថិភាព ដូចជា ម៉ាស និង ទឹកលាងដៃជាដើម បានធ្វើឲ្យរបស់ទាំងនោះ ឡើងថ្លៃខ្ពស់ ហើយធ្វើឲ្យប្រជាជនភាគច្រើនគ្មានលទ្ធភាពទិញមកប្រើប្រាស់ព្រោះអ្នកណាៗ ក៏អាចប្រឈមនឹងការឆ្លងមេរោគកូវីដ១៩ នេះដែរ។
ដូច្នេះដើម្បីរក្សាសុវត្ថិភាពទាំងអស់គ្នា និងដោះស្រាយការខ្វះខាតនេះ លោក តាន់ គឹម សួរ និង ក្រុមការងារក៏ធ្វើការអំពាវនាវឲ្យមានការបរិច្ចាគពីសាធារណៈជន និងអ្នកស្ម័គ្រចិត្តចូលរួមដោះស្រាយបញ្ហាចម្បង បន្ទាន់ តាមរយៈ ការផលិត និង ចែកទឹកលាងដៃ សម្លាប់មេរោគ ជូន ដល់ជនដែលខ្វះខាត ។
បន្ទាប់ពី មានការចូលរួមពីសំណាក់ដៃគូ និង អ្នកស្ម័គ្រចិត្តនានា គម្រោងនេះក៏បានចាប់ផ្តើមចេញជារូបរាង និង ដំណើរការផលិតទឹកលាងដៃ ចំនួន ១០លានមីលីលីត្រដើម្បី ចែកចាយទូទាំងប្រទេសដោយមានការបង្រៀនពីគោលការណ៍អនាម័យផងដែរ។
« វិធីសាស្ត្រ និងបច្ចេកទេសក្នុងការផលិតទឹកលាងដៃសម្លាប់មេរោគ នេះ គឺ ត្រូវបានផ្តល់ឲ្យ និងគោរពទៅតាមស្តង់ដាររបស់នាយដ្ឋានប្រយុទ្ធនឹងជម្ងឺឆ្លង CDC ។ ខណៈខ្ញុំបានផ្សព្វផ្សាយគម្រោងនេះតាមបណ្តាញសង្គម ខ្ញុំក៏បានទទួលការគាំទ្រពីសំណាក់ក្រុមហ៊ុន យក្សា និងជនជាតិបារាំងម្នាក់នៅខេត្តសៀមរាប ដែលពួកគាត់មានលទ្ធភាព និងសម្ភារគ្រប់គ្រាន់ដើម្បី ដំណើរការគម្រោងនេះបាន» ។ នេះបើយោងការឲ្យដឹងពី លោក តាន់ គឹម សួរ ស្ថាបនិកបៃតងវ៉ររៀលស៍។
បើនិយាយពីឧបសគ្គក្នុងគម្រោងនេះវិញ គឺមានច្រើនណាស់ ដូចជា ៖ ការផលិតវត្ថុធាតុដើម បច្ចេកទេស ធនធាន និងកម្លាំងក្រុម ការងារជាដើម ។ មួយវិញទៀតក្នុងពេលផលិត ទឹកលាងដៃ នេះ ពួកយើងបានបដិសេធរាល់សំណើរទិញពីសំណាក់ ឈ្មួញនានា ដើម្បី ទៅលក់បន្តព្រោះពួកយើងផ្តោតសំខាន់ទៅលើការជួយប្រជាជនងាយរងគ្រោះ ។
« ពួកយើងជឿជាក់ថាការប្រកាន់ខ្ជាប់នូវគោលគំនិត និងភាពស្មោះត្រង់ គឺជាកូនសោរសំខាន់មួយក្នុងការបង្កតទំនុកចិត្តពីក្រុមការងារ និងជំរុញឲ្យការងារកាន់តែមានប្រសិទ្ធភាពខ្ពស់ និងជោគជ័យ»។ លោកបញ្ជាក់។
« ជាចុងក្រោយ ខ្ញុំតែងស្រម៉ៃចង់ឃើញវប្បធម៌ចែករំលែកកើតមានឡើងក្នុងសកម្មភាពរស់នៅប្រចាំថ្ងៃរបស់មនុស្សគ្រប់ៗរូប ពិសេសក្នុងពេលវិបត្តិកូវីដ១៩ នេះតែម្តង »។
បៃតងវ៉ររៀលស៍ ជាអង្គការមិនរកប្រាក់ចំណេញបង្កើតឡើង កាលពីឆ្នា ២០១៩ និង មានទស្សនវិស័យ ក្នុងការការពារព្រៃឈើ និងប្រយុទ្ធ ប្រឆាំងពីការកាប់បំផ្លាញខុសច្បាប់ ហើយទទួលបានការគាំទ្រ ពីក្រសួងបរិស្ថានផងដែរ៕