នេះជារឿងរ៉ាវពីក្រោយ ថាហេតុអ្វីតារា K-Pop ទាំង ១០នេះត្រូវក្លាយជាមេក្រុម?
- 2020-06-11 06:14:00
- ចំនួនមតិ 0 | ចំនួនចែករំលែក 0
នេះជារឿងរ៉ាវពីក្រោយ ថាហេតុអ្វីតារា K-Pop ទាំង ១០នេះត្រូវក្លាយជាមេក្រុម?
ចន្លោះមិនឃើញ
មេក្រុម K-Pop បានដើរតួនាទីសំខាន់ជាងគេ តាំងពីជួយសមាជិកទាំងអស់ ពិសេសព្យាយាមរក្សាការពារក្រុមឲ្យនៅតែរួមគ្នាបានល្អជាធ្លុងមួយ។ ជាក់ស្ដែងក្នុងការជ្រើសរើសមេក្រុមម្នាក់ៗ ក្រុម និងក្រុមហ៊ុននីមួយៗតែងមានជម្រើស និងគោលបំណងខុសៗគ្នា។ ម្យ៉ាងសម្រាប់ Leader ទាំងនោះ មុនបានក្លាយជាមេក្រុម ពួកគេសុទ្ធតែមានរឿងរ៉ាវពីក្រោយដូចតទៅ៖
១. Lee Teuk
មេក្រុម Super Junior ម្នាក់នេះ ត្រូវបានក្លាយជាមេគេដោយស្រួលបំផុត ជាជម្រើសរបស់ Lee Soo Man ព្រោះថាលោកមានអាយុច្រើនជាងគេក្នុងក្រុម។
២. RM
ដូចជ្រាបស្រាប់ RM គឺជាមេក្រុមរបស់ BTS។ មូលហេតុដែលលោក ត្រូវថ្នាក់ដឹកនាំជ្រើសឲ្យធ្វើមេគេ ក៏ដោយសារលោកគឺជាសមាជិកដំបូងគេដែលចូលរួមបង្កើត BTS។
៣. Jihyo
មុន TWICE បង្កើត Park Ji Young បានសម្រេចពិភាក្សាជាមួយនឹងសមាជិក TWICE ទាំងអស់ពីការជ្រើសមេក្រុម។ អំឡុងពេលពិភាក្សានោះ លោកបានបញ្ជាក់ថា ម្នាក់នោះគួរតែជាអ្នកដែលខិតខំពុះពារ និងលះបង់ខ្លាំងជាងគេ។ ជាលទ្ធផល Jihyo ក៏ត្រូវបានចាត់ឲ្យធ្វើជាមេក្រុម ផ្អែកតាមមតិភាគច្រើនរបស់សមាជិក។
៤. Suho
មូលហេតុដែលនាំឲ្យ Suho ក្លាយជាមេក្រុមរបស់ EXO ក៏ដោយសារផ្អែកលើរយៈពេលនៃការហ្វឹកហាត់របស់លោក ដែលយូរជាងសមាជិកដទៃទៀត។
៥. Seungyoon
នៅក្នុងកម្មវិធី «Who Is Next: WIN» ដំបូងឡើយ Mino ទេដែលត្រូវក្លាយជាមេក្រុម។ ប៉ុន្តែក្រោយមក Mino ក៏បានរងរបួស ជាហេតុ Yang Hyun Suk សម្រេចលើក Seungyoon ជាមេក្រុមវិញ។
៦. Baekhyun
ពេលក្រុមថ្មីដែលមានឈ្មោះថា Super M បង្កើត Baekhyun ក៏ត្រូវក្លាយជាមេក្រុម ផ្អែកតាមចរិតរបស់លោក និងសមត្ថភាពដែលអាចបង្រួមបង្រួមសមាជិកទាំងអស់ឲ្យរួមគ្នាកាន់តែខ្លាំង។
៧. Nayoung (I.O.I), Jisung (WANNA ONE), Eunbi (IZONE) និង Seungwoo (X1)
ទាំងនេះសុទ្ធតែជាអ្នកដែលមានប្រភពចេញពីកម្មវិធី Produce។ សមាជិកទាំងអស់ក្នុងក្រុមទាំងនេះ ត្រូវបោះឆ្នោតជ្រើសមេក្រុមរបស់ខ្លួន ហើយអ្នកដែលមានចំនួន Vote ច្រើនជាងគេ ក៏ត្រូវក្លាយជា Leader ដោយស្វ័យប្រវត្តិ៕