Motorola យូរៗចេញ Flagship ម្ដង ឥឡូវមានបញ្ហាធំទាក់ទងនឹងអេក្រង់ទៀត!
- 2020-06-16 07:14:09
- ចំនួនមតិ 0 | ចំនួនចែករំលែក 0
Motorola យូរៗចេញ Flagship ម្ដង ឥឡូវមានបញ្ហាធំទាក់ទងនឹងអេក្រង់ទៀត!
ចន្លោះមិនឃើញ
Motorola Edge+ គឺជាការកំណត់ចំណាំនូវការវិលត្រឡប់របស់ Motorola ក្នុងការផលិតស្មាតហ្វូនប្រភេទ Flagship ដែលវាបានបង្ហាញមុខកាលពីមេសា។ រយៈពេលជាងមួយខែក្រោយចេញលក់ អ្នកប្រើប្រាស់បានរាយការណ៍អំពីបញ្ហាធ្ងន់ធ្ងរមួយចំនួនទាក់ទងនឹងអេក្រង់។
អ្នកប្រើប្រាស់ជាច្រើនបានចូលទៅកាន់វិបសាយពិគ្រោះយោបល់របស់ Motorola ដើម្បីត្អូញត្អែរអំពីបញ្ហាដែលលេចចេញនូវពន្លឺពណ៌ស្វាយ និងពណ៌បៃតង យ៉ាងចម្លែកលើអេក្រង់។ អ្នកប្រើប្រាស់និយាយថាពន្លឺពណ៌ស្វាយនេះលេចចេញឡើង ពេលប្រើប្រាស់រយៈពេលយូរ ពេលទុកចោលទៅវានឹងបាត់ដោយខ្លួនឯង ប៉ុន្តែវានឹងវិលត្រឡប់មកវិញពេលប្រើប្រាស់រយៈពេលយូរម្ដងទៀត។
អ្នកគ្រប់គ្រងលើវិបសាយពិគ្រោះយោបល់របស់ Motorola បានឆ្លើយតបដែរថានឹងមានការអាប់ដេត Software ថ្មី ដែលអាចដោះស្រាយបញ្ហានេះបាន ហើយគេបានណែនាំដល់អ្នកប្រើប្រាស់ថាកុំប្រញាប់ប្ដូរយកទូរសព្ទថ្មី ព្រោះថាទូរសព្ទថ្មីក៏អាចមានបញ្ហាអេក្រង់ស្រដៀងគ្នានេះដែរ។ អ្វីដែលគួរធ្វើ គឺគួរតែរង់ចាំការអាប់ដេតថ្មី និងចាំមើលថាតើអាចដោះស្រាយបញ្ហាបានឬអត់។
ក្រោយមកទៀត មានអ្នកប្រើប្រាស់មួយចំនួនបានបញ្ជាក់ថាការអាប់ដេតពិតជាបានជួយដោះស្រាយបញ្ហាអេក្រង់លើ Edge+ របស់ពួកគេ។ យ៉ាងណាក្ដី ក៏នៅមានអ្នកប្រើប្រាស់មួយចំនួនអះអាងថាបញ្ហានៅតែវិលត្រឡប់មកវិញ ពេលប្រើប្រាស់រយៈពេលយូរ។ អ្នកគ្រប់គ្រងក៏បានណែនាំដល់អ្នកដែលនៅតែជួបបញ្ហាថា អាចយកទូរសព្ទទៅប្ដូរថ្មីនៅ Verizon បាន ប្រសិនបើបញ្ហានៅតែដោះស្រាយមិនចេញ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
