ល្ហិចល្ហៀងថារឿង Werner ត្រៀមមក Chelsea នឹងប្រកាសផ្លូវការនៅសប្ដាហ៍នេះ
- 2020-06-16 11:37:43
- ចំនួនមតិ 0 | ចំនួនចែករំលែក 0
ល្ហិចល្ហៀងថារឿង Werner ត្រៀមមក Chelsea នឹងប្រកាសផ្លូវការនៅសប្ដាហ៍នេះ
ចន្លោះមិនឃើញ
ខ្សែប្រយុទ្ធអាល្លឺម៉ង់ Timo Werner ត្រៀមនឹងផ្ទេរមកកាន់ក្លឹបអង់គ្លេស Chelsea ហើយក្នុងសប្ដាហ៍នេះ បើយោងតាមការចុះផ្សាយរបស់សារព័ត៌មានធំៗមួយចំនួន។
សារព័ត៌មាន Evening Standardបានឲ្យដឹងថា កុងត្រារបស់កីឡាករ RB Leipzig រូបនេះ បានផុតសុពលភាពកាលពីថ្ងៃម្សិលមិញ (ថ្ងៃទី១៥ ខែមិថុនា) ហើយគ្រោងនឹងចុះកុងត្រាជាមួយ Chelsea រយៈពេល ៥ឆ្នាំ ជាមួយនឹងប្រាក់ថ្លៃនឿយហត់ចំនួនជាង ២៥ម៉ឺនដុល្លារក្នុងមួយសប្ដាហ៍។
សារព័ត៌មាន Goal និងសារព័ត៌មាន The Guardiance បានចុះស្រដៀងគ្នាថា Werner បានបដិសេធមិនលេងក្នុងវគ្គសេសសល់ក្នុងក្របខ័ណ្ឌពានកំពូលអឺរ៉ុប UEFA Champions League ជាមួយនឹង Leipzig ទេ។ គេគ្រោងនឹងចេញទៅ Chelsea តែម្ដងនៅពេលដែល Bundesliga ចប់នៅថ្ងៃទី២៧ មិថុនា ខណៈត្រូវរង់ចាំដល់ខែសីហា ទើប Champions League លេងចប់។
គួរបញ្ជាក់ផងដែរថា Werner លេងឲ្យ Leipzig រយៈពេលជាង ៤ឆ្នាំ ហើយក្នុងអំឡុងពេលនោះដែរ កីឡាករ ២៤ឆ្នាំរូបនេះរកបាន ៩២គ្រាប់ក្នុង ១៥៦ប្រកួត៕