មាន iPhone ៦% ប៉ុណ្ណោះ នៅប្រើ iOS 11 ចុះក្រោម
- 2020-06-22 03:46:20
- ចំនួនមតិ 0 | ចំនួនចែករំលែក 0
មាន iPhone ៦% ប៉ុណ្ណោះ នៅប្រើ iOS 11 ចុះក្រោម
ចន្លោះមិនឃើញ
ស្របពេលដែល Apple ត្រៀមបង្ហាញចេញ iOS ជំនាន់ថ្មី ក្រុមហ៊ុនបានបង្ហាញតួលេខថ្មីទាក់ទងនឹងប្រព័ន្ធប្រតិបត្តិការរបស់ខ្លួន។
ក្នុងចំណោម iPhone ដែលប្រកាសចេញក្នុងពេល ៤ឆ្នាំកន្លងមកនេះ មាន ៩២% ដែលប្រើប្រាស់ iOS 13 ហើយមាន ៧% ប្រើប្រាស់ iOS 12 និងមាន ២% ប្រើប្រាស់ iOS 11 ចុះក្រោម។ បើគិតពីដើមទីមកមាន iPhone ចំនួន ៨១% ប្រើ iOS 13, មាន ១៣% ប្រើ iOS 12 និងមាន ៦% ប្រើប្រាស់ iOS 11 ចុះក្រោម។
សម្រាប់ iPad ដែលប្រកាសចេញរយៈពេល ៤ឆ្នាំចុងក្រោយមកនេះវិញ មាន ៩៣% ប្រើប្រាស់ iPadOS ហើយមាន ៥% ប្រើ iOS 12 និងមានត្រឹម ១% ប៉ុណ្ណោះ ប្រើប្រាស់ iOS 11 ចុះក្រោម។ បើគិតលើ iPad ទាំងអស់ដែលគេកំពុងប្រើបច្ចុប្បន្ន មាន ៧៣% ប្រើ iPadOS, មាន ១៦% ប្រើ iOS 12 និង ១១% ប្រើ iOS 11 ចុះក្រោម។
Apple នឹងប្រកាសចេញ iOS 14 នាយប់ថ្ងៃចន្ទទី ២២ ឆ្លងចូលថ្ងៃទី ២៣ ក្នុងកម្មវិធី WWDC ដែលការបញ្ចេញឲ្យប្រើប្រាស់ជាផ្លូវការរំពឹងថានឹងបញ្ចេញស្របពេល iPhone ថ្មីប្រកាសចេញ៕