PNN រកឃើញបេក្ខភាព២រូបឡើងវគ្គផ្ដាច់ព្រ័ត្រខ្សែក្រវាត់មាសហើយ
- 2020-06-23 02:58:50
- ចំនួនមតិ 0 | ចំនួនចែករំលែក 0
PNN រកឃើញបេក្ខភាព២រូបឡើងវគ្គផ្ដាច់ព្រ័ត្រខ្សែក្រវាត់មាសហើយ
ចន្លោះមិនឃើញ
សង្វៀនប្រដាល់ទូរទស្សន៍ PNN បានរកឃើញជើងខ្លាំង២រូបហើយដែលត្រូវឡើងទៅវគ្គផ្ដាច់ព្រ័ត្រខ្សែក្រវាត់មាស ទម្ងន់ ៥៧គីឡូក្រាមដណ្ដើមប្រាក់រង្វាន់ ១ម៉ឺនដុល្លារ ក្រោយបញ្ចប់វគ្គជម្រុះកាលពីថ្ងៃអាទិត្យកន្លងទៅនេះ។
ការប្រកួតជម្រុះគូចុងក្រោយកាលពីថ្ងៃអាទិត្យ ទី២១ មិថុនា ២០២០ រវាង វ៉ាន់ វឿន និង អេ ណារ័ត្ន គឺពិតជាកក្រើក និងជក់ចិត្តតែម្ដងតាមរយៈការវ៉ៃប្ដូរគ្មានប្រណីដៃ។ ទាំង ណារ័ត្ន និង វ៉ាន់ វឿន សុទ្ធតែចង់ឈ្នះដើម្បីឡើងទៅវគ្គផ្ដាច់ព្រ័ត្រ ដូច្នេះអ្នកទាំងពីរចេញអាវុធគ្រប់ក្បាច់ស្នៀតទាំងអស់រហូតមានអ្នកបែកច្រើនកន្លែងផងដែរ។
អេលីត ចំរើន យកឈ្នះពិន្ទុលើកីឡាករ ប៊ុន សុធា ចំណែក វ៉ាន់ វឿន យកឈ្នះពិន្ទុលើជើងខ្លាំង អេ ណារ័ត្ន ដូច្នេះអ្នកដែលទាំងពីររូបនេះនឹងត្រូវប៉ះគ្នាវគ្គផ្ដាច់ព្រ័ត្រខ្សែក្រវាត់មាស លើប្រភេទទម្ងន់ ៥៧ គីឡូក្រាម ដែលអមដោយទឹកប្រាក់ ១ម៉ឺនដុល្លារ នៅថ្ងៃទី៥ ខែកក្កដា ឆ្នាំ២០២០ ឯសង្វៀន PNN ៕