រោងកុននៅថៃបើកជាថ្មី តែត្រូវអនុវត្តគោលការណ៍ទាំងនេះជាដាច់ខាត
- 2020-06-23 04:07:26
- ចំនួនមតិ 0 | ចំនួនចែករំលែក 0
រោងកុននៅថៃបើកជាថ្មី តែត្រូវអនុវត្តគោលការណ៍ទាំងនេះជាដាច់ខាត
ចន្លោះមិនឃើញ
ប្រទេសថៃក៏ជាប្រទេសដែរកំពុងស្ថិតនៅដំណាក់កាលទី ៣នៃការឆ្លងមេរោគ COVID-19 ដែរ ប៉ុន្តែដោយសារគ្រប់យ៉ាងហាក់ធូរស្រាលជាងមុន ស្របពេលការយល់ដឹងនៃការការពារមានការកើនឡើង ដូចនេះ វាក៏ក្លាយជាឱកាសសម្រាប់ការបើកជាថ្មីនូវអាជីវកម្មមួយចំនួន។
ជាក់ស្ដែង ក្នុងនោះ រោងកុនក៏ត្រូវបានអនុញាតិឲ្យបើកដំណើរការវិញ កាលពីថ្ងៃទី ០១ ខែមិថុនា ឆ្នាំ ២០២០។ ប៉ុន្តែបើទោះបីជាអាចបើកវិញក៏ដោយ ក៏ខាងនាយកដ្ឋានប្រយុទ្ធជំងឺឆ្លងមេរោគ COVID-19 ចេញគោលការណ៍មួយចំនួន ដាក់ឲ្យអនុវត្តដែរ។
ដើម្បីការពារ និងទប់ស្កាត់ការឆ្លងរីករាលដាល ដាច់ខាតត្រូវអនុត្តគោលការណ៍ដូចតទៅ៖
១. មិនត្រូវញ៉ាំ ឬផឹកភេសជ្ជៈអ្វីទាំងអស់ក្នុងរោងកុន។ អ្នកចូលមើល អាចញ៉ាំអាហារនៅខាងក្រៅសិន ប៉ុន្តែកន្លែងញ៉ាំអីក្រៅសាលមើលកុននោះ ត្រូវតែមានគម្លាតគ្នាឲ្យបានត្រឹមត្រូវ។
២. មនុស្សអាចអង្គុយជិតគ្នា ច្រើនបំផុត ២នាក់។ អ្នកផ្សេងទៀត ត្រូវតែដាច់គ្នា ឬយ៉ាងហោចណាស់ទុកចន្លោះ ៣កៅអី ឲ្យឆ្ងាយពីគ្នា។ អ្នកចូលមើលនោះក៏មិនត្រូវអង្គុយពីមុខ ឬពីក្រោយគ្នាចំៗដែរ។
៣. មហោស្រពភាពយន្ត និង ការបញ្ចាំងជាប់ត្រូវបានហាមឃាត់។
៤. រោងកុនត្រូវតែរក្សាអនាម័យ និងសម្អាតឲ្យបានត្រឹមត្រូវជាប់លាប់ ក្រោយអ្នកទស្សនាមើលកុនចប់។
៥. ត្រូវតែពាក់ម៉ាសគ្រប់ពេល ពេលមើលកុន
៦. បុគ្គលិកក្នុងរោងកុន នឹងត្រូវស្នើសុំឲ្យអនុវត្តច្បាប់ស្ដីពីការបរិភោគ និងទទួលទានភេសជ្ជៈ ក៏ដូចជាការរក្សាគម្លាតក្នុងសង្គម៕