Pep នឹងទុកជើងកីឡាករល្អៗខ្លះពេលប៉ះ Chelsea យប់នេះ
- 2020-06-25 03:31:49
- ចំនួនមតិ 0 | ចំនួនចែករំលែក 0
Pep នឹងទុកជើងកីឡាករល្អៗខ្លះពេលប៉ះ Chelsea យប់នេះ
ចន្លោះមិនឃើញ
ក្រុម Manchester City នឹងត្រូវប៉ះក្រុម Chelsea នៅម៉ោង២:១៥នាទីរំលងអាធ្រាត្រយប់នេះ ក្នុងការប្រកួតពានរង្វាន់ English Premier League សប្ដាហ៍ទី៣១។
សម្រាប់ការប្រកួតនេះដែរ ប្រសិនណាបើក្រុម Man City ចាញ់ក្រុម Chelsea នោះ ក្រុម Liverpool ដែលនៅកំពូលតារាង នឹងក្លាយជាជើងឯកលីគអង់គ្លេសតែម្ដង ព្រោះពួកគេដាច់ពិន្ទុជាង២០ពិន្ទុទៅហើយ។ តែបើ Man City ឈ្នះ នោះក្រុម Liverpool ត្រូវការ២ពិន្ទុបន្ថែមទៀតពីការប្រកួតដែលនៅសល់ ទើបអាចឈ្នះជើងឯក។
ដោយឡែកសម្រាប់គំនិតរបស់លោក Pep វិញ ការប្រកួតទល់ក្រុម Chelsea នៅយប់នេះ មិនសូវជាសំខាន់ឡើយ។ លោកដឹងច្បាស់ថាទោះជាក្រុម Man City ឈ្នះនៅយប់នេះ ក៏ក្រុម Liverpool លើកពាននៅប្រកួតបន្ទាប់ដដែលទេ ហើយក្រុមរបស់លោកក៏នៅតែលេខ២ក្នុងតារាង។ ដូច្នេះហើយ ការទុកជើងកីឡាករខ្លះដើម្បីលេងប្រកួតនៅ FA Cup ទល់ក្រុម Newcastle United ទើបជាសំខាន់ជាង។
អ្នកចាត់ការ Pep បានបង្ហើបទៀតថា លោកនឹងទុកកីឡាករល្អៗ ដើម្បីត្រៀមលេងប្រកួតសំខាន់ ជាជាងការប្រកួតដណ្ដើមយក៣ពិន្ទុដែលមិនបានធ្វើឱ្យអ្វីប្រែប្រួលនោះទេ។ នេះសបញ្ជាក់ថាទល់ក្រុម Chelsea នៅរាត្រីនេះ ជម្រើស១១នាក់ដំបូងនឹងមានការប្រែប្រួលខ្លាំងមិនខាន៕