ឃឹម បូរ៉ា បន្តឈ្នះទៀតហើយខណៈប៉ុន្មានប្រកួតនេះមិនស្គាល់ពាក្យចាញ់

2020-06-29 06:37:51
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករកំពុងឡើងកូដ ឃឹម បូរ៉ា បន្តឈ្នះទៀតហើយម្សិលមិញនេះ ខណៈប៉ុន្មានប្រកួតចុងក្រោយនេះឈ្នះស្ទើរគ្រប់កម្មវិធីមិនថាមិត្តភាព ឬប្រកួតសំខាន់ដណ្ដើមខ្សែក្រវាត់នោះទេ។

ការប្រកួតម្សិលមិញរបស់ បូរ៉ា

នរណាក៏ដឹងដែរថាមួយរយៈពេលនេះប្អូនប្រុស ឃឹម ឌីម៉ា រូបនេះពិតជាឡើងវិជ្ជាគុនមែនបើរាប់ពីការប្រកួតថ្មីៗនេះ ឈ្នះ ម៉ឺន មេឃា នៅសង្វៀនបាយ័ន សងសឹកបានសម្រេចវិញលើ ឈិត សេរីវណ្ណថង ឈ្នះ ធន់ មករា វគ្គផ្ដាច់ព្រ័ត្រខ្សែក្រវាត់នៅ CNC ។

ដោយឡែកសម្រាប់ការប្រកួតជាគូឯកនៅលើសង្វៀន PNN ម្សិលមិញនេះឈ្នះកីឡាករ គង់ ហូវ មួយរូបទៀតហើយ។ យ៉ាងណាការឈ្នះ ឬការប៉ះជាមួយ គង់ ហូវ នេះជាការមិនបានព្រាងទុកព្រោះដៃគូមកជំនួសគេប៉ុណ្ណោះ។

រូបភាពលើហ្វេសបុក ឃឹម បូរ៉ា

បូរ៉ា មានការរីកចម្រើនខ្លាំងជាពិសេសការចេញអាវុធរហ័ស ធ្ងន់ ការទាត់ជើងក្រោម ទាត់លើក៏ល្អកណ្ដាប់ដៃ កែង ប្រើមានប្រសិទ្ធភាពទាំងអស់។ ជើងខ្លាំងមកពីបន្ទាយមានជ័យរូបនេះ ចេញច្បាស់ហើយមិនសូវចេះបន្ធូរឲ្យដៃគូនោះទេ ពោលសរុបទៅវ៉ៃកាចណាស់ឥលូវ។

រំលឹកដែរថា បន្ទាប់ពីឈ្នះ ធន់ មករា វគ្គផ្ដាច់ព្រ័ត្រមក ឃឹម បូរ៉ា ទើបនឹងឡើងប្រកួតជាថ្មីកាលពីថ្ងៃអាទិត្យម្សិលមិញនេះទេ ដោយឈ្នះពិន្ទុលើសិស្សប្អូន គង់ ហូវ ដែលមកជំនួស ឈិត សេរីវណ្ណថង ព្រោះមានជំងឺ៕

អត្ថបទ៖ នួន ស៊ីណា