Zidane មិនទាន់ហ៊ានថា Real ឈ្នះ La Liga ទេ
- 2020-07-01 13:21:44
- ចំនួនមតិ 0 | ចំនួនចែករំលែក 0
Zidane មិនទាន់ហ៊ានថា Real ឈ្នះ La Liga ទេ
ចន្លោះមិនឃើញ
គ្រូបង្គោលក្លឹប Real Madrid លោក Zinedine Zidane បាននិយាយកាលពីពេលថ្មីៗនេះថា មកទល់នឹងពេលនេះ លោកមិនទាន់អាចនិយាយថាក្លឹបលោកឈ្នះពាន La Liga បាននោះទេ។
លោក Zidane បាននិយាយថា៖" យើងអត់ទាន់អាចនិយាយថាក្លឹបរបស់យើងឈ្នះពាននេះទេ ព្រោះថាយើងនៅមាន ៦ប្រកួត ដែលស្មើនឹង ១៨ពិន្ទុបន្ថែមទៀត ប្រសិនបើយើងធ្វើបានជោគជ័យក្នុងការប្រកួតទាំងនោះ ទើបយើងហ៊ានសន្មតថាយើងនឹងឈ្នះពានមួយនេះ។"
គ្រូបង្គោលរូបនេះបានបន្តថា៖" ទោះជាយ៉ាងណាក្ដីយើងនៅតែខិតខំ ព្រោះគូប្រកួតរបស់យើងនឹងខិតខំដែរដើម្បីយកឈ្នះយើង។ មកដល់ដំណាក់កាលនេះ ខ្ញុំជឿថា កីឡាកររបស់ខ្ញុំអាចនឹងបាត់បង់ភាពជឿជាក់ តែនៅតែខំបន្តអញ្ចឹង នេះតាមបទពិសោធន៍ខ្ញុំជាកីឡាករមួយរូបដែរ។"
គួរបញ្ជាក់ផងដែរថា នៅក្នុងពេលនេះ Real Madrid កំពុងតែឈានមុខគេនៅក្នុងការប្រកួត La Liga ដោយមាន ៧១ពិន្ទុ ខណៈ Barcelona ឈរនៅចំណាត់ថ្នាក់បន្ទាប់មានទៅដល់ ៧០ពិន្ទុ៕