សមនិងគេសរសើរអត់កីឡាករ៣រូបនេះដែលថាវ៉ៃល្អមើល និងវ៉ៃអស់ៗពីសមត្ថភាព?
- 2020-07-07 03:35:19
- ចំនួនមតិ 0 | ចំនួនចែករំលែក 0
សមនិងគេសរសើរអត់កីឡាករ៣រូបនេះដែលថាវ៉ៃល្អមើល និងវ៉ៃអស់ៗពីសមត្ថភាព?
ចន្លោះមិនឃើញ
អ្នកប្រដាល់វ័យក្មេង៣រូបដែលកំពុងល្បីខ្លាំងក្នុងវិស័យគុនខ្មែរជាពិសេសប៉ុន្មានខែចុងក្រោយនេះតែម្ដង ដែលមានអ្នកគាំទ្រច្រើន តាមដានរាល់ការប្រកួតរបស់គេ និងសរសើរថាប្រកួតបានល្អ អស់ពីសមត្ថភាពតែម្ដង។ ជើងខ្លាំង៣នាក់នោះរួមមាន អេលីត ចំរើន ប៊ុន សុធា និង ពេជ្រ ប៊ុនសិទ្ធ។
**ទី១ កីឡាករ អេលីត ចំរើន៖** ឥឡូវនេះកំពុងមានកេរ្តិ៍ឈ្មោះខ្លាំងតាមរយៈការប្រកួតខ្សែក្រវាត់ទម្ងន់ ៥៧គីឡូក្រាម នៅសង្វៀន PNN និងការឈ្នះខ្សែក្រវាត់មាសនេះថ្មីៗនេះតែម្ដង។ មុនការលេងខ្សែក្រវាត់មាសនេះ ចំរើន មិនសូវមានកេរ្តិ៍ឈ្មោះប៉ុន្មានទេ បើទោះជាគេធ្លាប់ឈ្នះខ្សែក្រវាត់ ១គ្រឿង យ៉ាងណាក្ដី។ កូនសិស្សលោក ស៊ន អេលីត រូបនេះចាប់ផ្ដើមមានកេរ្តិ៍ឈ្មោះ និងមានការចាប់អារម្មណ៍ច្រើននោះ គឺការប្រើរន្ទះជើងផ្ដួលថៃពេលចាប់ផ្ដើមប្រកួតជម្រុះខ្សែក្រវាត់ប្រាក់ដំបូង បន្ទាប់មកទៀតផ្ដួលថៃដោយរន្ទះជើងបន្តទៀត និងការអាចយកឈ្នះ ប៊ុន សុធា រួមទាំងទាត់ វ៉ាន់ វឿន ឲ្យខូចដៃឈ្នះខ្សែក្រវាត់មាស។ អេលីត ចំរើន ត្រូវបានគេសរសើរថាជាកីឡាករល្អទាត់ និងអាវុធធ្ងន់។
ទី២ កីឡាករ ប៊ុន សុធា៖ អ្នកប្រដាល់រូបនេះមានឈ្មោះបោះសំឡេងយូរដែរហើយ ពោលមុនការប្រកួតខ្សែក្រវាត់នៅ PNN នេះទៀត។ ជើងខ្លាំងរូបនេះមានខ្សែក្រវាត់៣គ្រឿងទៅហើយក្នុងដៃបើបូក និងខ្សែក្រវាត់ប្រាក់ទើបឈ្នះប៉ុន្មានខែនេះនៅ PNN ។ សុធា ក៏មានអ្នកគាំទ្រច្រើនមិនចាញ់ អេលីត ចំរើន ដែរតាមរយៈសមត្ថភាពប្រកួតរបស់គេ ដូចជាការពូកែដើរបុកពេញ៥ទឹកដោយមិនអស់ និងការប្រើកែងបត់យ៉ាងស្ទាត់ជំនាញ មួយវិញទៀតជាអ្នកប្រដាល់ធន់មួយរូបដែលមិនងាយសន្លប់ ឬបោះបង់ការប្រកួតឡើយ ឡើងប្រកួតអស់ៗពីសមត្ថភាព។
ទី៣ កីឡាករ ពេជ្រ ប៊ុនសិទ្ធ៖ អ្នកប្រដាល់មកពីខេត្តបាត់ដំបងរូបនេះក៏មានអ្នកគាំទ្ររបស់ខ្លួនច្រើនដែរ ពោលអំឡុង COVID នេះគឺចាញ់តែ១ប្រកួតប៉ុណ្ណោះ និងថែមទាំងសងសឹកវិញបានភ្លាមៗទៀតផង។ ប៊ុនសិទ្ធ មានអ្នកចូលចិត្តទស្សនាក៏ច្រើនដែរ ពោលតាមរយៈការប្រកួតកម្រចាញ់ និងឈ្នះកម្មវិធី Mas Fight បានប្រាក់រង្វាន់ច្រើន និងកម្មវិធីប្រាក់លានផ្សេងៗទៀត។ កូនសិស្សលោក ពេជ្រ សុផាន់ ខាងលើនេះគឺត្រូវបានគេសរសើរថាជាកីឡាករមានកណ្ដាប់ដៃធ្ងន់ ល្អទាត់ជើងក្រោម និងធន់ជាមួយអាវុធដៃគូ មិនងាយស្រុត ឬចុះចាញ់ការប្រកួតនោះឡើយហើយមិនចេះញញើតកីឡាករណានោះទេ៕