តង់ទី១ក្ដៅគគុក! ត្រឹម៣នាទី កំពង់ឆ្នាំង បានកាតក្រហម២នាក់
- 2020-07-08 09:18:17
- ចំនួនមតិ 0 | ចំនួនចែករំលែក 0
តង់ទី១ក្ដៅគគុក! ត្រឹម៣នាទី កំពង់ឆ្នាំង បានកាតក្រហម២នាក់
ចន្លោះមិនឃើញ
ការប្រកួតវគ្គ៨ក្រុមចុងក្រោយ នៃពានរង្វាន់សម្ដេច ហ៊ុន សែន ជើងទី២ រវាងខេត្តកំពង់ឆ្នាំងនិងកែប បានឡើងកម្ដៅក្ដៅគគុកនៅការប្រកួតតង់ទីមួយចប់មុននេះបន្តិច ដោយក្រុមម្ចាស់កំពង់ឆ្នាំងសល់គ្នាត្រឹម៩នាក់ប៉ុណ្ណោះ ក្រោយខ្សែការពារលេខ២ ស្លេះ រ៉េស បង្កកំហុសក្នុងប្រអប់គ្រោះថ្នាក់ បានកាតលឿង១ទៀត ត្រូវបណ្ដេញចេញពីទីលាន ខណៈកំពុងមានលឿងមួយហើយនោះ (លឿង២ ស្មើក្រហម១) ហើយអាជ្ញាកណ្ដាលបានផ្ដល់បាល់ពិន័យ១១ម៉ែត្រឱ្យខេត្តកែប។
មិនសុខចិត្តនឹងការកាត់សេចក្ដី របស់អាជ្ញាកណ្ដាល ប្រធានក្រុមពាក់លេខ១៥ បានមកតវ៉ា ហើយត្រូវអាជ្ញាកណ្ដាលផ្ដល់កាតលឿងមួយបន្ថែមទៀត ខណៈកំពុងមានមួយហើយនោះ ត្រូវបណ្ដេញចេញពីទីលាន សល់ត្រឹមសមាជិក ៩នាក់ប៉ុណ្ណោះ ពោលគឺត្រឹមរយៈពេល៣នាទីប៉ុណ្ណោះ បន្ទាប់ពីការបង្ករកំហុសរបស់ ស្លេះ រ៉េស។
យ៉ាងណាការប៉េណាល់ទីរបស់ក្រុមខេត្តកែប មិនទទួលបានជោគជ័យទេ ដោយបាល់ហោះលើរបាទីចេញទៅក្រៅ។ ចប់តង់ទីមួយ កំពង់ឆ្នាំង ១-១ កែប។
ចំណែកមួយគូទៀត នៅតង់ទី១ជើងទី២មុននេះ ក្រុមភ្ញៀវកំពង់ស្ពឺនាំមុខត្បូងឃ្មុំ ១-០ ខណៈកាលពីជើងទី១ ត្បូងឃ្មុំ ឈ្នះកំពង់ស្ពឺ ២-០។
Sabay នឹងផ្ដល់ព័ត៌មានលំអិតនៅពេលចប់ការប្រកួត!