Ozil ចង់ក្រាញដេកស៊ីលុយនៅ Arsenal ខ្ជិលចេញរហូតអស់កុងត្រា
- 2020-07-09 04:31:38
- ចំនួនមតិ 0 | ចំនួនចែករំលែក 0
Ozil ចង់ក្រាញដេកស៊ីលុយនៅ Arsenal ខ្ជិលចេញរហូតអស់កុងត្រា
ចន្លោះមិនឃើញ
Mesut Ozil បានប្រាប់មិត្តភ័ក្ដិរបស់គេថា គេនឹងពិចារណាទៅលេងនៅអាមេរិកឬទួរគី។ ប៉ុន្តែនៅតែកំណត់លេងនៅ Arsenal រហូតដល់ចប់រដូវកាល មុនពេលចាកចេញដោយគ្មានតម្លៃខ្លួន។
Ozil វ័យ៣១ឆ្នាំទទួលបានថ្លៃនឿយហត់៣៥ម៉ឺនផោនក្នុងមួយសប្ដាហ៍ ខណៈកាំភ្លើងធំចង់លក់គេចោលនៅរដូវក្ដៅនេះដើម្បីកុំឲ្យខាតលុយច្រើន។ ប៉ុន្តែ Ozil គ្មានចេតនាចង់ចេញពីក្លឹបពេលចប់រដូវកាលឡើយ ពោលចង់ទាល់តែអស់កុងត្រាតែម្ដង។
កីឡាករសញ្ជាតិអាល្លឺម៉ង់មិនទាន់បង្ហាញខ្លួនបានមួយប្រកួតណាឡើយឲ្យ Arsenal ចាប់តាំងពីលីគបើកឲ្យលេងឡើងវិញ ហើយស្ថានភាពរបស់គេពេលកាន់តែមិនល្អនៅកីឡដ្ឋាន Emirates។
Ozil បានចាកចេញពីជម្រើសជាតិអាល្លឺម៉ង់ បន្ទាប់ពីមានការរិះគន់ពីសាធារណៈ បន្ទាប់ពីគេបានជួបជាមួយប្រធានាធិបតីទួរគី Recep Erdogan ហើយគ្មានឱកាសអាចទៅលេងនៅ Bundesliga បានឡើយ៕