Rodgers អស់សង្ឃឹម ពេលឃើញទម្រង់លេងកូនក្រុមល្អតែ៤៥នាទី

2020-07-13 02:28:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុម Leicester City បរាជ័យក្រោមថ្វីជើងក្រុម Bournemouth ដល់ទៅ៤-១ នៅយប់មិញនេះ ធ្វើឱ្យលោក Breden Rodgers ពិបាកចិត្ត អស់សង្ឃឹមមែនទែនសម្រាប់ការរក្សាខ្លួននៅ Top4 ។

ក្រុម Leicester City លេងបានល្អតែ៤៥នាទីដំបូងប៉ុណ្ណោះ ប៉ុន្តែ៤៥នាទីតង់ទី២ទៀតនោះ ពួកគេហាក់ដូចជាបាត់បង់ម្ចាស់ការទៅហើយ។ ស្របពេលដែលក្រុម Bournemouth វិញ បានផ្លាស់ប្ដូរទម្រង់លេង និងវាយសម្រុករហូតមានគ្រាប់បាល់កើតឡើងដល់ទៅ៤គ្រាប់ឯណោះ។

ចំពោះរឿងនេះដែរ លោក Rodgers បាននិយាយថា៖ “ខ្ញុំតែងតែមានក្ដីស្រមៃថាយើងនឹងនៅ Top4 ប៉ុន្តែយើងក៏ត្រូវបារម្ភពីការលេងរបស់យើងដែរ។ ពេលនេះ តាំងពីបើករដូវកាលមកវិញ យើងលេងល្អបានតែ៤៥នាទីប៉ុណ្ណោះក្នុងការប្រកួត ហើយវាមិនគ្រប់គ្រាន់ទេ។ យើងនឹងបញ្ចប់ចំណាត់ថ្នាក់នៅកន្លែងដែលយើងសមនឹងទទួលយកបំផុតសម្រាប់ទម្រង់លេងរបស់យើងពេលនេះ”។

រំលឹកថាក្រុម Leicester City នៅសល់៣ប្រកួតទៀតដើម្បីបញ្ចប់រដូវកាលនេះ ដោយប៉ះក្រុម Sheffield United ក្នុងដី ប៉ះក្រុម Spurs ក្រៅដី និងប៉ះក្រុម Manchester United នៅក្នុងដី៕

ប្រភព៖ Goal អត្ថបទ៖ ប្រុស យុទ្ធ