មនុស្ស Chanyeol ត្រង់បំផុត បើស្រឡាញ់អ្នកណាហើយ នឹងហ៊ានធ្វើអ្វីគ្រប់យ៉ាងឲ្យ

2020-07-17 08:58:03
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ១៤ ខែកក្កដា Chanyeol និង Sehun បានមកចូលរួមក្នុងកម្មវិធី "Choi Junghwa's Power Time” របស់វិទ្យុ SBS Power FM ដើម្បីផ្សព្វផ្សាយបទថ្មីរបស់ពូកគេ។

អំឡុងពេលចូលរួមពេលនោះ អ្នកទាំង ២ក៏បាននិយាយទាក់ទងនឹងជីវិតស្នេហាដែរ។ DJ វិទ្យ Choi Junghwa បានសួរ Chanyeol ថាតើចរិតរបស់លោកបែបណាទៅពេលនៅមុខអ្នកដែលខ្លួនស្រឡាញ់។

ឆ្លើយតបសំណួរមួយនេះ Chanyeol បាននិយាយថា៖ «ខ្ញុំជាប្រភេទមនុស្សប្រុសដែលចូលចិត្តបើកទម្លាយពីអារម្មណ៍ពិត»។ ត្រង់ចំណុចនេះ បើទោះបីជា Chanyeol មិនប្រាប់ក៏អ្នកគាំទ្រដឹងច្បាស់ដែរថា តារាប្រុសរូពនេះជាមនុស្សដែលត្រង់ទៅត្រង់មក។

Chanyeol បន្ថែម៖ «បើដូចនៅជាមួយ Sehun គាត់ធ្លាប់អត់ទទួលទូរសព្ទខ្ញុំ តែមួយរយៈនេះទទួលធម្មតាវិញហើយ»។

បើត្រឡប់ទៅកាលពីខែមេសា Chanyeol បានផ្ញើបាច់ផ្កាកុលាបមួយបាច់ ឲ្យទៅ Suho ពេលចូលក្នុងជួរទាហាន។ មិនត្រឹមតែប៉ុណ្ណោះ តារាប្រុសរាងខ្ពស់រូបនេះក៏បានជូនកាសឥតខ្សែ ដល់បងស្រី បង្កើតរបស់លោកគឺ ពិធីករ Park Yoora ទៀត។ Chanyeol មិនស្ទាក់ស្ទើរក្នុងការបង្ហាញអារម្មណ៍ពិតទៅអ្នកដែលលោកស្រឡាញ់នោះទេ៕

ប្រភព៖ kstarlive ប្រែសម្រួល៖ យី សុធារី