realme C11 នឹងប្រកាសជាផ្លូវការថ្ងៃទី២១ នេះ អ្នកចូលទស្សនាមានឱកាសឈ្នះរង្វាន់ realme C11

2020-07-20 03:09:04
ចំនួនមតិ 0 | ចំនួនចែករំលែក 0

ចន្លោះមិនឃើញ

realme C11 ដែលមានការរចនារូបរាងដ៏ឥតខ្ចោះនិងមានថាមពលថ្មអាច Standby បានរហូតដល់ទៅ ៤០ថ្ងៃ មិនទាន់បានដាក់ប្រកាសផងក៏ទទួលបានការចាប់អារម្មណ៍យ៉ាងច្រើនទៅហើយ។ ថ្មីៗនេះដែរ realme បានប្រកាសជាផ្លូវការថា realme C11 នឹងដាក់ប្រកាសនៅថ្ងៃទី ២១ ខែកក្កដានេះតាមរយៈព្រឹត្តិការណ៍អនឡាញ។

realme C11 ជាស្មាតហ្វូនដែលមានការកែប្រែថ្មី និងជាស៊េរីចុងក្រោយបំផុតនៃត្រកូល realme C series ហើយនៅតែបានបន្តរក្សាដដែលនូវចំណុចពិសេសគឺអេក្រង់ធំ និងថាមពលថ្មធំ។ តែអ្វីដែលខុសគ្នានោះគឺ realme C11 បំពាក់នូវបន្ទះឈីប Helio G35 Gaming Processor មិនត្រឹមតែបង្កើននូវសមត្ថភាពនិងភាពរលូននៃការប្រើប្រាស់នោះទេ ស្របពេលជាមួយគ្នានេះដែរក៏មានការកាត់បន្ថយការប្រើប្រាស់ថាមពល ធ្វើឲ្យថាមពលថ្មធំទំហំ 5000mAh អាចប្រើបានរយៈពេលកាន់តែយូរ ឬអាចទុក Standby បានរហូតដល់ ៤០ថ្ងៃ។

ការរចនារបស់ realme C11 បានវាយបំបែកម្ដងទៀតនូវការយល់ឃើញរបស់អតិថិជនទៅលើស្មាតហ្វូនលំដាប់ថវិកា ដោយកាមេរ៉ាក្រោយបានប្រើប្រាស់ការរចនាបែប Geometric ហើយមានពណ៌ Mint Green និង Pepper Grey ធ្វើឲ្យ C11ក្លាយជាការរចនាដែលពេញនិយមជាងគេសម្រាប់រដូវក្ដៅក្នុងឆ្នាំនេះ ហើយការរចនាផ្ទៃខាងក្រោយដែលមានសភាពឆ្នូតធ្វើឲ្យកាន់តែមានភាពងាយស្រួលក្នុងការចាប់កាន់ ស្របពេលជាមួយគ្នានោះក៏កាត់បន្ថយនូវបញ្ហាស្នាមប្រឡាក់ពីម្រាមដៃផងដែរ។

realme C11 ដែលបានវាយបំបែកនូវការយល់ឃើញថ្មីរបស់អតិថិជនទៅលើស្មាតហ្វូនលំដាប់ថវិកាម៉ូឌែលនេះ នឹងដាក់ប្រកាសជាផ្លូវការនៅថ្ងៃទី ២១ ខែកក្កដា វេលាម៉ោង៤ល្ងាចតទៅ ស្របពេលនេះដែរ realme ក៏បានអញ្ជើញKOL ៣រូបចូលរួមក្នុងការចាប់រង្វាន់ ហើយនឹងមានការចាប់ជ្រើសយកអ្នកឈ្នះរង្វាន់ realme C11 ៤នាក់នៅក្នុងការ Live ទៀតផង។ ក្រៅពីនេះក៏នៅមានកាដូភ្ញាក់ផ្អើលមួយទៀតនៅក្នុងការចាប់រង្វាន់ផងដែរ តើវាជារង្វាន់អ្វី? សូមទន្ទឹងរង់ចាំទស្សនាការដាក់ប្រកាសនៅតាមរយៈព្រឹត្តិការណ៍អនឡាញទាំងអស់គ្នា៕