ភ្នាក់ងារ៖ Bale មិនចាកចេញទៅណាចោល Real Madrid នោះទេ
- 2020-07-21 06:47:08
- ចំនួនមតិ 0 | ចំនួនចែករំលែក 0
ភ្នាក់ងារ៖ Bale មិនចាកចេញទៅណាចោល Real Madrid នោះទេ
ចន្លោះមិនឃើញ
លោក Barnett ភ្នាក់ងារទីផ្សាររបស់ Gareth Bale បានបញ្ជាក់ថាខ្សែប្រយុទ្ធជម្រើសជាតិវែលរូបនេះ នឹងមិនចាកចេញទៅណាចោលក្រុម Real Madrid នោះទេ។
Bale រដូវកាលនេះលេងបានតិចមែនទែន ហើយតែងតែអង្គុយកៅអីបម្រុងជានិច្ច ឬមិនមានឈ្មោះក្នុងបញ្ជីនោះទេ។ ប៉ុន្មានប្រកួតចុងក្រោយនេះ រូបគេបង្ហាញកាយវិការប្លែកៗ រហូតដល់មានអ្នកគាំទ្រជាច្រើន មិនពេញចិត្តឡើយ ព្រោះមើលទៅមិនឱ្យតម្លៃដល់ក្រុមនិងសមាជិកដទៃទៀត។ តែបើទោះជាយ៉ាងនេះក្ដី កុងត្រារបស់គេនៅ Real Madrid នៅសល់ទៀត ហើយសាមីខ្លួនក៏មិនចង់ចាកចេញទៅណាចោលក្លឹបអធិរាជសនេះដែរ។
លោក Barnett ដែលជាភ្នាក់ងារទីផ្សាររបស់អតីតកីឡាករ Spurs ខាងលើនិយាយថា៖ “Gareth គាត់សុខសប្បាយ គាត់នៅសល់កុងត្រា២ឆ្នាំទៀត។ គាត់ចូលចិត្តជីវិតនៅម៉ាឌ្រីត ហើយក៏មិនចាកចេញទៅណាដែរ។ គាត់នៅតែជាកីឡាករល្អម្នាក់ ហើយការលេងឬមិនលេងជាការសម្រេចចិត្តរបស់លោក Zidane ។ កីឡាករល្អដូចគាត់ នឹងមិនចាកចេញក្រោមលក្ខខណ្ឌខ្ចីជើងអ្វីនោះទេ”៕