ទើបតែស៊ីក្រុមធំៗ តែយប់មិញ Arsenal ចាញ់ក្រុមក្នុងតំបន់កាត់ចោល Aston Villa
- 2020-07-22 02:04:55
- ចំនួនមតិ 0 | ចំនួនចែករំលែក 0
ទើបតែស៊ីក្រុមធំៗ តែយប់មិញ Arsenal ចាញ់ក្រុមក្នុងតំបន់កាត់ចោល Aston Villa
ចន្លោះមិនឃើញ
ក្រុមកាំភ្លើងធំ Arsenal បានប្រកួតចាញ់ Aston Villa ១-០ នៅសប្ដាហ៍ទី៣៧នៃពានរង្វាន់ Premier League កាលពីយប់មិញ។
Arsenal បង្ហាញទម្រង់លេងល្អនៅ២ប្រកួតចុងក្រោយដោយបានយកឈ្នះ Liverpool ក្នុងលីគ និងទម្លាក់ Manchester City ចេញពីពាន FA Cup។ យ៉ាងណាមិញ យប់មិញពួកគេបានបរាជ័យដោយសារ Aston។
មួយគ្រាប់របស់ Aston Villa ធ្វើបានដោយកីឡាករ Trezeguet នៅនាទី២៧។ ជ័យជម្នះនេះពិតជាមានផលល្អមែនទែនសម្រាប់ Villa ដោយបានឡើងមកលេខ១៧ផុតពីតំបន់ត្រូវកាត់ចោល ខណៈលីគសល់មួយប្រកួតទៀតនឹងបញ្ចប់។
ឯ Watford ធ្លាក់ទៅលេខ១៨វិញ ក្រោយចាញ់ City យប់មិញក្នុងលទ្ធផល ៤-០ ឯណោះ៕