LG V60 ThinQ បានពិន្ទុតិចជាង iPhone SE មានកាមេរ៉ាមួយគ្រាប់

2020-07-24 06:42:45
ចំនួនមតិ 0 | ចំនួនចែករំលែក 0

ចន្លោះមិនឃើញ

DxOMark ដែលជាស្ថាប័នវាយតម្លៃកាមេរ៉ាលើឧបករណ៍អេឡិចត្រូនិក បានបង្ហាញលទ្ធផលពីការវាយតម្លៃកាមេរ៉ាលើស្មាតហ្វូន LG V60 ThinQ ដែលក្រុមហ៊ុន LG បានប្រកាសចេញកាលពីខែមីនាកន្លងទៅ។

ប្រព័ន្ធកាមេរ៉ារបស់ V60 ThinQ មានគួបផ្សំដោយកាមេរ៉ាមេទំហំ ៦៤MP ដែលមាន Aperture f/1.8 មានមុខងារ Phase-Detection Autofocus និង OIS។ មានកាមេរ៉ាពីរគ្រាប់ទៀតដែលកាមេរ៉ា Ultrawide ទំហំ ១៣MP មាន Aperture f/1.9 និងកាមេរ៉ាវាស់ជម្រៅ ToF។

សម្រាប់ការថតរូបសន្លឹក ការផលិត Exposure និង Dynamic Range មានគុណភាពល្អ ប៉ុន្តែខ្សោយការផលិត Contrast នៃពណ៌ក្នុងស្ថានភាពមួយចំនួន។ ក្នុងចំណោមស្មាតហ្វូន Flagship ចេញឆ្នាំ ២០២០នេះ V60 មានគ្រាប់ Noise ច្រើនជាងគេ សូម្បីតែពេលថតនៅពេលថ្ងៃ។ Autofocus ចាប់បានត្រូវ ប៉ុន្តែមានល្បឿនយឺតបើធៀបនឹងស្មាតហ្វូនផ្សេង។

ចំពោះការថតវីដេអូវិញ Exposure គឺឲ្យបានច្បាស់ល្អ, ការ Autofocus ក៏លឿន ហើយពណ៌ឲ្យចេញមកក៏ស្អាតល្អសម្រាប់ការថតនៅកន្លែងមានពន្លឺគ្រប់គ្រាន់ និងថត Indoor។ សមត្ថភាពរក្សាលំនឹងល្អដែរ ប៉ុន្តែពេលអូសកាមេរ៉ា ឬដើរបណ្ដើរថតបណ្ដើរមិនល្អនោះទេ។

DxOMark បានឲ្យពិន្ទុលើការថតរូបចំនួន ១០៣ពិន្ទុ ដល់ស្មាតហ្វូននេះ និងការថតវីដេអូបាន ៩៣ពិន្ទុ ដែលពិន្ទុសរុបជាមធ្យមគឺ ១០០ពិន្ទុ។ ពិន្ទុនេះគឺតិចជាងស្មាតហ្វូនមួយចំនួនទៀតដែលមានកាមេរ៉ាត្រឹមមួយគ្រាប់ ដូចជា iPhone SE ឆ្នាំ ២០២០, iPhone XR និង Pixel 3a ជាដើម៕

ប្រភព៖ GSMarena ប្រែសម្រួល៖ សុខហេង