Tesla ប្ដឹងក្រុមហ៊ុនគូប្រជែង ថាលួចយកអាថ័កំបាំងអាជីវកម្មខ្លួន
- 2020-07-24 07:01:51
- ចំនួនមតិ 0 | ចំនួនចែករំលែក 0
Tesla ប្ដឹងក្រុមហ៊ុនគូប្រជែង ថាលួចយកអាថ័កំបាំងអាជីវកម្មខ្លួន
ចន្លោះមិនឃើញ
Tesla បានដាក់ពាក្យប្ដឹងក្រុមហ៊ុន Rivian Automative ដោយបានចោទប្រកាន់ក្រុមហ៊ុនផលិតរថយន្តអគ្គិសនីថ្មីថ្មោងមួយនេះ ថាបានលួចយកអាថ័កំបាំងអាជីវកម្ម និងលួចយកបុគ្គលិករបស់ខ្លួនទៀតផង។
ក្នុងឯកសារពាក្យបណ្ដឹងដែលដាក់ជូនតុលាការនាសប្ដាហ៍នេះ និងចេញផ្សាយដោយវិបសាយ Electrek ក្រុមហ៊ុន Tesla បានចោទប្រកាន់ក្រុមហ៊ុន Rivian ថារើសយកបុគ្គលិករបស់ខ្លួន ដោយមានគោលដៅលួចយកអាថ័កំបាំងអាជីវកម្ម។ Tesla អះអាងថា Rivian បានប្រាប់ដល់បុគ្គលិក Tesla ម្នាក់ដែលទើបលាឈប់កាលពីថ្មីៗនេះ អំពីព័ត៌មានសម្ងាត់របស់ Tesla ដែល Rivian ត្រូវការ។
អ្នកនាំពាក្យក្រុមហ៊ុន Rivian បានឆ្លើយតប ដោយបាននិយាយថាការអះអាងរបស់ Tesla គ្មានភ័ស្តតាងច្បាស់លាស់។ Rivian បានបញ្ជាក់ថា ពេលដែលបុគ្គលិកថ្មីៗចូលធ្វើការ គេបានតម្រូវឲ្យបុគ្គលិកទាំងនោះបញ្ជាក់ថា ពួកគេនឹងមិនយកកម្មសិទ្ធបញ្ញារបស់ក្រុមហ៊ុនចាស់មកប្រើនៅក្រុមហ៊ុនថ្មីនោះទេ។
គួរដឹងកន្លងមកក្រុមហ៊ុន Tesla ក៏ធ្លាប់បានដាក់ពាក្យប្ដឹងអតីតបុគ្គលិករបស់ខ្លួន ដោយបានចោទប្រកាន់ថាបានលួចយកអាថ៍កំបាំងអាជីវកម្មរបស់ក្រុមហ៊ុន ទៅឲ្យក្រុមហ៊ុនចិន Xpeng Motors៕