មកដឹងហេតុផល ព្រៃវែងយកយុវជនវិសាខាលេងពានសម្ដេចច្រើន!

2020-07-28 09:17:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ខេត្តព្រៃវែងក្នុងឆ្នាំនេះ បានយកយុវជនរបស់ក្លឹបវិសាខាច្រើនមកលេងពានរង្វាន់សម្ដេច ហ៊ុន សែន ហើយត្រង់ចំណុចនេះ ត្រូវបានមហាជនរិះគន់មិនសំចៃមាត់ ជាពិេសសបណ្ដាគ្រូបង្វឹកក្រុមប្រជែង។

លោក Matthew Sinclair (ឆ្វេង)

ជុំវិញរឿងនេះគ្រូខេត្តព្រៃវែង Matthew Sinclair បានពន្យល់ថាដោយសារយុវជនរបស់ព្រៃវែង មានការប្រកួតពានក្នុងខេត្តច្រើន ហើយខ្លះរវល់នឹងការសិក្សា មិនសូវមានអារម្មណ៍ផ្ដោតលើការប្រកួត ទើបសម្រេចប្រើយុវជនរបស់ក្លឹបវិសាខា។

គ្រូបង្វឹក UEFA A-License បញ្ជាក់ ៖«នេះជាមូលហេតុសំខាន់ ដែលយើងប្រើយុវជនរបស់វិសាខា ដើម្បីលេងក្នុងការប្រកួតដ៏សំខាន់ ក្នុងពានរង្វាន់ Hun Sen Cup នេះ។ អ៊ីចឹងហើយណាមួយ យើងចង់បង្ហាញពីគុណភាពរបស់យុវជនរបស់យើង...ដើម្បីឱ្យគាត់បង្ហាញខ្លួនក្នុងពានរង្វាន់នេះ ឱ្យឃើញថាពួកគាត់ជាយុវជនមែន ប៉ុន្តែពួកគាត់អាចធ្វើបាន អាចបង្ហាញសមត្ថភាពក្នុងការប្រកួតនេះបាន»។

បើតាមសម្ដីរបស់គ្រូ Matthew Sinclair ក្នុងសន្និសីទសារព័ត៌មាននៅពុហកីឡដ្ឋានជាតិរសៀលនេះ គឺក្រុមរបស់លោកបានត្រៀមខ្លួនរួចជាស្រេចហើយ ក្នុងជំនួបវគ្គផ្ដាច់ព្រ័ត្រពានរង្វាន់សម្ដេច ហ៊ុន សែន តទល់ក្រុមការពារតំណែងជើងឯកខេត្តត្បូងឃ្មុំ នៅពហុកីឡដ្ឋាននាថ្ងៃទី២៩ ខែកកដ្ដា ឆ្នាំ២០២០២ ស្អែកនេះ។

ចំណែកក្រុមរងជើងឯកឆ្នាំ២០១៩ ខេត្តសៀមរាប នឹងត្រូវប្រកួតជាមួយក្រុមបាល់ទាត់ខេត្តកែប ដើម្បីដណ្ដើមយកចំណាត់ថ្នាក់លេខ៣ និងលេខ៤៕

អត្ថបទ៖ អ៊ុំ សុភក្តិ