គ្រូត្បូងឃ្មុំថា ១១នាក់លេងល្ងាចនេះ នឹងល្អមើលហើយ

2020-07-29 02:12:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមខេត្តត្បូងឃ្មុំ នឹងត្រូវប្រកួតការពារតំណែងជើងឯក Hun Sen Cup ថ្នាក់ខេត្ត ជាមួយក្រុមខេត្តព្រៃវែង នៅម៉ោង៦ល្ងាចនេះ នៅស្ដាតអូឡាំពិក។

លោក ផន រស្មីពេជ្រ គ្រូបង្គោលខេត្តត្បូងឃ្មុំ

មុនការប្រកួតនោះចាប់ផ្ដើម លោក ផន រស្មីពេជ្រ គ្រូបង្គោលខេត្តត្បូងឃ្មុំ បានអះអាងថាក្រុមរបស់លោកត្រៀមខ្លួនរួចរាល់ហើយ សម្រាប់ការពារតំណែងជើងឯក។ ការប៉ះក្រុមខ្លាំងដូចខេត្តព្រៃវែង ដែលជាក្រុមយុវជនល្អៗនោះ លោក រស្មីពេជ្រ ក៏មានក្ដីបារម្ភតិចតួចដែរ ប៉ុន្តែវាមិនមែនជាឧបសគ្គសម្រាប់ការត្រៀមក្រុមប្រកួតឡើយ។ លោក បានបញ្ជាក់ថា១១នាក់ល្ងាចនេះ នឹងល្អមើល លោកនឹងព្យាយាមឱ្យបានល្អបំផុត។

សូមរំលឹកថាក្រុមត្បូងឃ្មុំ និងព្រៃវែងនេះ ធ្លាប់បានប៉ះគ្នាពីរដងមកហើយ នៅវគ្គចែកពូល ហើយលទ្ធផលវិញគឺស្មើគ្នាទាំងពីរលើកតែម្ដង។ ក្រៅពីការប្រកួតយកលេខ១នេះហើយ ក៏នៅមានការប្រកួតយកលេខ៣ រវាងក្រុមសៀមរាប និងកែបផងដែរ ដោយលេងនៅម៉ោង៣រសៀល។

ដោយឡែក ការចាប់ពូលវគ្គ១៦ក្រុម ថ្នាក់ជាតិ នឹងធ្វើឡើងនៅថ្ងៃសុក្រ ទី៣១ ខែកក្កដា មុនចាប់ផ្ដើមការប្រកួតផ្លូវការនៅថ្ងៃទី១២ និងទី១៣ ខែសីហា៕

អត្ថបទ៖ ប្រុស យុទ្ធ