ទីប្រឹក្សាធានារ៉ាប់រងអាយុជីវិត មេនូឡាយហ្វ៍ រឹតតែរឹងមាំក្នុងការជួយកសាង អនាគតហិរញ្ញវត្ថុជូនដល់ក្រុមគ្រួសារកម្ពុជា
- 2020-07-31 09:44:54
- ចំនួនមតិ 0 | ចំនួនចែករំលែក 0
ទីប្រឹក្សាធានារ៉ាប់រងអាយុជីវិត មេនូឡាយហ្វ៍ រឹតតែរឹងមាំក្នុងការជួយកសាង អនាគតហិរញ្ញវត្ថុជូនដល់ក្រុមគ្រួសារកម្ពុជា
ចន្លោះមិនឃើញ
ស្របពេលដែលពិភពលោកកំពុងប្រយុទ្ធប្រឆាំងនឹងការរីករាលដាលនៃជំងឺកូវីដ១៩ សុខភាព និងការការពារអនាគតហិរញ្ញវត្ថុ រឹតតែមានសារៈសំខាន់កាន់តែខ្លាំងឡើង ។ ក្នុងកាលៈទេសៈដ៏លំបាកមួយនេះ ទីប្រឹក្សាធានារ៉ាប់រងរបស់ ក្រុមហ៊ុន មេនូឡាយហ្វ៍ ខេមបូឌា បានប្រែក្លាយការភ័យខ្លាច ទៅជាទឹកចិត្តដ៏រឹងមាំ ដើម្បីជួយដល់ប្រជាជនកម្ពុជាក្នុងការរៀបចំផែនការអនាគតហិរញ្ញវត្ថុដ៏ល្អប្រសើរមួយ សម្រាប់មនុស្សជាទីស្រលាញ់របស់ខ្លួន។
អំឡុងពេលនៃការផ្ទុះខ្លាំងនៃការរីករាលដាលនៃជំងឺដ៏កាចសាហាវនេះ កញ្ចប់នៃក្តីស្រលាញ់ ដែលរួមមានម៉ាស់ និងជេលលាងដៃ ត្រូវបានរៀបចំដោយទីប្រឹក្សានៅតាមបណ្តាសាខានានា ដើម្បីផ្តល់ជូនដល់អតិថិជនរបស់ពួកគាត់។ ការបណ្តុះបណ្តាលនានា នៅតែបន្តប្រព្រឹត្តទៅបានតាមរយៈប្រព័ន្ធឌីជីថល ដើម្បីធានាឲ្យបានថាទីប្រឹក្សានៅតែមានសមត្ថភាពគ្រប់គ្រាន់ក្នុងការផ្តល់ប្រឹក្សាពីផែនការអនាគតហិរញ្ញវត្ថុដល់អតិថិជន។ សិក្ខាសាលាស្តីអំពី «អំណោយនៃក្តីស្រលាញ់សម្រាប់ក្រុមគ្រួសារ» និងការទំនាក់ទំនងជាមួយអតិថិជនទាំងអស់ ក៏ត្រូវបានធ្វើឡើងតាមរយៈប្រព័ន្ធឌីជីថលផងដែរ។
ភាពរឹងមាំ និងការប្តេជ្ញាចិត្តទាំងនេះហើយ បានធ្វើឲ្យក្រុមហ៊ុន មេនូឡាយហ្វ៍ ខេមបូឌា នៅតែជាក្រុមហ៊ុនធានារ៉ាប់រងអាយុជីវិតឈានមុខ នៅប្រទេសកម្ពុជា។ គិតមកត្រឹមត្រីមាសទីពីរនៃឆ្នាំ ២០២០ នេះ ទីប្រឹក្សារបស់យើងចំនួន ៣ នាក់ បានសម្រេចគ្រប់លក្ខខណ្ឌសមាជិកភាពរបស់សមាគមលំដាប់ពិភពលោក Million Dollar Round Table (MDRT) ប្រចាំឆ្នាំ ២០២១។
អ្នកស្រី គី រស្មី ទីប្រឹក្សាប្រចាំទីក្រុងភ្នំពេញ បាននិយាយថា៖ «ក្នុងពេលវេលាដ៏លំបាកនេះ វាអាចជាឧបសគ្គសម្រាប់ពួកយើង ប៉ុន្តែវាក៏ជាឱកាសមួយ ដើម្បីបង្ហាញឲ្យឃើញអំពីការស្រលាញ់ និងការតាំងចិត្តក្នុងការការពារគ្រួសារកម្ពុជាផងដែរ»។
អ្នកស្រី គូ គីមហ៊ុច ទីប្រឹក្សាប្រចាំខេត្តសៀមរាប បានបង្ហើបពីបទពិសោធន៍របស់ខ្លួនថា៖ «អ្វីដែលយើងបានធ្វើមិនមែនជាសំណាងនោះឡើយ តែវាជាការគិតគូ និងរៀបចំជាយុទ្ធសាស្ត្រដែលក្រុមហ៊ុន មេនូឡាយហ្វ៍ បានបង្កើតឡើងសម្រាប់ជួយដល់ពួកយើង ដើម្បីបន្តបេសកកម្មនៅក្នុងបរិបទមួយដែលមិនបានព្រៀងទុកដូចជាជំងឺកូវីដ១៩ នេះជាដើម»។
លោក ភឹម សារ៉ាត់ ទីប្រឹក្សាប្រចាំខេត្តព្រៃវែង បានបញ្ជាក់បន្ថែមថា៖ «អ្វីដែលពួកយើងអាចសម្រេចបានថ្ងៃនេះ ក៏ដោយសារតែទំនុកចិត្ត ដែលពួកយើងខិតខំកសាងជូនប្រជាជនកម្ពុជា និងទទួលបានមកវិញនូវការជឿជាក់រយៈពេលវែង ក្នុងការជួយពួកគាត់រៀបចំផែនការអនាគតហិរញ្ញវត្ថុ»។
គួរបញ្ជាក់ផងដែរថា សមាជិកភាព Million Dollar Round Table (MDRT) ត្រូវបានទទួលស្គាល់ជាអន្តរជាតិស្របតាមបទដ្ឌានដ៏ល្អឥតខ្ចោះរបស់អាជីវកម្មនានាក្នុងវិស័យហិរញ្ញវត្ថុ និងធានារ៉ាប់រងអស់រយៈកាលជាង ៩០ ឆ្នាំមកហើយគិតមកដល់ឆ្នាំ ២០២០ នេះ៕