នេះហើយជារូបមន្តរក្សាសម្រស់ដ៏ស័ក្តសិទ្ធិបំផុតរបស់ Jun Ji Hyun

2020-08-03 02:59:10
ចំនួនមតិ 0 | ចំនួនចែករំលែក 0

ចន្លោះមិនឃើញ

បង្ហាញមុខជាតារាគ្របមុខឲ្យទស្សនាវដ្ដី W Korea តារាសម្ដែង Jun Ji Hyun បានបើកទម្លាយពីវិធីសាស្ត្រដែលអាចធ្វើឲ្យរាងកាយរបស់នាងរក្សាបាននូវភាពស្រស់ស្អាត រឹងមាំមិនធ្លាក់សម្រស់ទៅតាមវ័យបាន។

Jun Ji Hyun គឺជាតារាស្រីដែលស្ថិតនៅលំដាប់កំពូលស្ទើរគ្រប់ជំនាន់ តាំងពីនាងឈានជើងចូលសិល្បៈមក។ អាយុរបស់នាងក៏កាន់តែច្រើន ប៉ុន្តែអ្វីដែលគួរឲ្យចាប់អារម្មណ៍ មិនសរសើរមិនបាននោះគឺក្រៅពីទេពកោសល្យសម្ដែងបានគ្រប់ទម្រង់ នាងក៏មានរូបរាងស្រស់ស្អាត ពិសេសខុសគេដែរ។

ទាក់ទងនឹងរូបមន្តក្នុងការថែសម្រស់ឲ្យនៅតែស្អាតបែបនេះ Jun Ji Hyun បាននិយាយថា នាងតែងងើបពីព្រលឹមខ្ទង់ម៉ោង ៦-៧ព្រឹក ដើម្បីហាត់ប្រាណ និងអាចធ្វើឲ្យដកដង្ហើមចេញចូលបានស្រួល។

Ji Hyun ថា៖ «រៀងរាល់សប្ដាហ៍ ខ្ញុំហាត់ប្រាណរបៀប Pilates ចំនួន ៣ដង។ ១ម៉ោងមុនចាប់ផ្ដើម ខ្ញុំតែងកំដៅសាច់ដុំ ឲ្យបេះដូងដើរបានស្រួល។ បើទោះបីខ្ញុំផ្អាកការងារផ្សេងៗ ក៏ខ្ញុំតែងតែព្យាយាមហាត់ប្រាណជាប្រចាំថ្ងៃដែរ។ ជាក់ស្ដែង ខ្ញុំតែងតែចាត់ចែងកាលវិភាគការងារ ក្រោយពីខ្ញុំហាត់ប្រាណរួច»។

វិធីសាស្ត្រមួយនេះហើយ ដែល Jihyun ប្រកាន់ខ្ជាប់ជានិច្ច ជាហេតុធ្វើឲ្យសម្រស់នាងនៅតែក្មេង និងរឹងមាំ ហើយប្រសិនអ្នកចង់បានរាងកាយស្រស់ស្អាត និងមានសុខភាពល្អ កុំភ្លេចអនុវត្តផងណា៎៕