ឡាន McLaren បន្លំឯកសារថាជា Porsche ដើម្បីគេចថ្លៃពន្ធ ៣៤ម៉ឺនដុល្លារ

2020-08-07 02:51:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ការទិញរថយន្តប្រណីត និងមានសមត្ថភាពកំពូលខ្លាំងនៅប្រទេសហ្វីលីពីនមិនមែនចំណាយតិចលុយនោះទេ។ ជាក់ស្ដែងដូចជារថយន្ត McLaren 620R ជាដើម តម្រូវឲ្យបង់ពន្ធរហូតដល់ប្រមាណ ៣៤ម៉ឺនដុល្លារឯណោះ។

យ៉ាងណាក្ដីដើម្បីចង់ជៀសមិនបាច់បង់ពន្ធដ៏ច្រើនមហិមានេះ អ្នកនាំចូលរថយន្តម្នាក់នៅហ្វីលីពីនបានក្លែងបន្លំឯកសារសម្រាប់រថយន្ត McLaren 620R ដែលខ្លួននាំចូល ដោយបានចុះក្នុងឯកសារថាជារថយន្ត Porsche Cayman ជំនួសវិញ។ ធ្វើដូចនេះ បានធ្វើឲ្យតម្លៃពន្ធនាំចូលធ្លាក់មកនៅត្រឹមប្រមាណ ៣ម៉ឺនដុល្លារប៉ុណ្ណោះ។

យ៉ាងណាក៏ដោយការក្លែងបន្លំនេះត្រូវបានមន្ត្រីការិយាល័យគយនៃប្រទេសហ្វីលីពីន ចាប់បាននៅនឹងកន្លែងកាលពីថ្ងៃទី៣ ខែសីហា កន្លងទៅនេះ។ គួរដឹងថារថយន្ត Porsche 620R ដែលនាំចូលគឺមានតម្លៃប្រមាណ ៦៧២ ២៤៨ដុល្លារ ដែលត្រូវបង់ពន្ធនាំចូលស្មើនឹងពាក់កណ្ដាលនៃតម្លៃរថយន្តគឺប្រមាណ ៣៤ម៉ឺនដុល្លារ៕

ប្រភព៖ Car Throttle ប្រែសម្រួល៖ សុខហេង