ម្ចាស់ជយលាភី Mascot ស៊ីហ្គេម 2023 ថា សាងស្នាដៃជូនជាតិជាក្ដីស្រមៃតាំងពីតូច
- 2020-08-10 04:06:48
- ចំនួនមតិ 0 | ចំនួនចែករំលែក 0
ម្ចាស់ជយលាភី Mascot ស៊ីហ្គេម 2023 ថា សាងស្នាដៃជូនជាតិជាក្ដីស្រមៃតាំងពីតូច
ចន្លោះមិនឃើញ
ម្ចាស់ជយលាភី Mascot ស៊ីហ្គេមឆ្នាំ២០២៣ បានធ្លាក់ទៅលើកញ្ញា លី គីមអាន ភេទស្រី កើតនៅថ្ងៃទី០២ ខែសីហា ឆ្នាំ១៩៩៧ ទីកន្លែងកំណើត និងបច្ចុប្បន្នរស់នៅរាជធានីភ្នំពេញ ដែលជយលាភីបានប្រកាសកាលពីថ្ងៃទី៧ នៅពហុកឡដ្ឋានជាតិមរតកតេជោ។
លី គីមអាន បាននិយាយថា «ក្ដីស្រមៃរបស់ខ្ញុំ ដែលចង់សាងស្នាដៃជូនជាតិពេលនេះបានសម្រេច ដូចបំណងហើយ។ កាលពីតូចមកចេះតែស្រម៉ៃចង់សាងស្នាដៃមួយជូនជាតិ។ ពេលនេះបានសម្រេចហើយ ខ្ញុំពិតជាសប្បាយចិត្ត និងរំភើបណាស់» ។
ជាមួយគ្នានោះម្ចាស់ជយលាភីស្លាកសញ្ញាបានទៅលើលោក នាង វិសាល ទទួលបានប្រាក់រង្វាន់លើកទឹកចិត្តក្នុងម្នាក់ៗ ២០លានរៀល ហើយទទួលបានសិទ្ធិជាអគ្គរដ្ឋទូតសុឆន្ទៈ “Good Will Games Ambassador” SEA Games 2020, ទទួល បានសិទ្ធិទស្សនាការប្រកួតគ្រប់ប្រភេទកីឡា និងពិធីបើក-បិទ SEA Games 2020 ព្រមទាំងបានចុះឈ្មោះក្នុងបញ្ជីមរតក SEA Games Legacy ។
ជាមួយគ្នានោះដែរឯកឧត្ដម វ៉ាត់ ចំរើន អគ្គលេខាធិការ គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ (SEA Games) លើកទី៣២ ឆ្នាំ២០២៣ ហៅកាត់ គ.ជ.ប.អ (CAMSOC) បានឲ្យដឹងដែរថា ពិធីប្រកាសពានរង្វាន់ជូនជយលាភីស្លាកសញ្ញា និមិត្តសញ្ញារូបសត្វតំណាង និងការរាប់ថយក្រោយ១០០០ថ្ងៃ ឆ្ពោះទៅស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ គឺស្ថិតនៅក្នុងកម្មវិធីស៊ីហ្គេម ២០២៣ នេះដែរ ដែលនេះជាការបោះជំហានរបស់កម្ពុជានៃដំណាក់កាលនីមួយៗប្រកបដោយទំនុកចិត្តខ្ពស់ ដើម្បីបំផុសស្មារតីឲ្យប្រជាពលរដ្ឋខ្មែរទាំងអស់ ក៏ដូចជាស្ថាប័នពាក់ព័ន្ធ អង្គទូតនៃបណ្តាប្រទេសអាស៊ានជាសមាជិកស៊ីហ្គេម៕