គួន ម៉ុម បង្ហើបមូលហេតុមិនចង់ចេញទៅលេងខាងក្រៅទៀត
- 2020-08-14 02:28:33
- ចំនួនមតិ 0 | ចំនួនចែករំលែក 0
គួន ម៉ុម បង្ហើបមូលហេតុមិនចង់ចេញទៅលេងខាងក្រៅទៀត
ចន្លោះមិនឃើញ
ស្មាត់ធំរបស់វិសាខា គួន ម៉ុម មិនចង់ចេញទៅលេងនៅតាមតារាងបាល់ទះខាងក្រៅទៀតទេ ក្រោមមូលហេតុមិនចង់ឲ្យមានការរិះគន់។
កាលពីពេលថ្មីៗនេះអ្នកនិយមតាមដានបាល់ទះប្រហែលជាបានឃើញ គួន ម៉ុម និងមិត្តរួមក្រុមស្នា លេខ ២០ សួន ចាន់ណារ៉ូ ព្រមទាំងស្មាត់ ឈរ ចេញលេងខាងក្រៅ ដើម្បីដកស្រង់បទពិសោធ។ ក្រោយចេញលេងបានមួយរយៈខ្លី ម៉ុម និងមិត្តរួមក្រុមហាក់ទទួលបានការរិះគន់ខ្លះៗ បែបសម្ដីមិនសមរម្យ ទើបធ្វើឲ្យពួកគេមិនចង់ចេញទៅលេងខាងក្រៅ។ ម៉ុម ក៏ជាកីឡាករម្នាក់ដែលកំពុងជាប់កុងត្រានៅក្លឹបបាល់ទះវិសាខាផងដែរ។
ស្មាត់ធំដែលធ្លាប់ទៅលេងនៅ ឥណ្ឌូណេស៊ី រូបនេះមិនបានបញ្ជាក់លម្អិតពីការរិះគន់ទាំងនោះឡើយ។ ប៉ុន្តែគេគ្រាន់តែចង់ប្រាប់ទៅកាន់ប្រិយមិត្តថា ការចេញទៅលេងខាងក្រៅរបស់ពួកគេ ដើម្បីចង់បានបទពិសោធ ពីព្រោះការប្រកួតផ្លូវការក្នុងស្រុកគឺស្ងាត់គ្មានសកម្មភាព។
គួន ម៉ុម ជាស្មាត់ធំមួយរូបរបស់ជម្រើសជាតិកម្ពុជា និងជាកីឡាករបាល់ទះអាជីពរបស់ក្លឹបបាល់ទះវិសាខា ដែលកំពុងធ្វើការហ្វឹកហាត់យ៉ាងសកម្មនៅក្លឹបបាល់ទះវិសាខាចំនួន ២ លើកក្នុងមួយថ្ងៃគឺពេលព្រឹក និងល្ងាច៕