គិតត្រឹមពាក់កណ្ដាលឆ្នាំ ២០២០ តើផលិតកម្មយក្ស ៤របស់កូរ៉េ រកចំណូលបានច្រើនយ៉ាងណា?
- 2020-08-25 00:30:00
- ចំនួនមតិ 0 | ចំនួនចែករំលែក 0
គិតត្រឹមពាក់កណ្ដាលឆ្នាំ ២០២០ តើផលិតកម្មយក្ស ៤របស់កូរ៉េ រកចំណូលបានច្រើនយ៉ាងណា?
ចន្លោះមិនឃើញ
ចូលដល់ឆ្នាំ ២០២០ បណ្ដាប្រទេសជាច្រើននៅជុំវិញពិភពលោកត្រូវប្រឈមមុខដូចគ្នា ដោយសារការឆ្លងនៃមេរោគ COVID-19 ជាហេតុចំណូលរបស់ស្ថាប័ន ឬក្រុមហ៊ុនផ្សេងៗត្រូវធ្លាក់ចុះ។
ដោយឡែកបើងាកមកមើលផលិតកម្មធំៗរបស់កូរ៉េវិញ ក៏ត្រូវប្រឈមនឹងបញ្ហានេះដូចគ្នា ប៉ុន្តែពួកគេនៅតែអាចរកចំណូលបានដដែលដោយគ្មានបញ្ហា។ ចង់ដឹងទេថា គិតត្រឹមពាក់កណ្ដាលឆ្នាំ ២០២០នេះ ផលិតកម្ម SM, YG, JYP, និង Big Hit មានសមត្ថភាពកើបលុយចំណេញបានប៉ុន្មានទៅ ផ្អែកតាមវិបសាយ Sports Chosun?៖
១. ផលិតកម្ម SM
ឆមាសទី១ ឆ្នាំ ២០២០ ផលិតកម្ម SM ចំណេញបាន ៦ ៤០០ ០០០ ០០០វ៉ុន (ប្រហែល ៥ ៣៧០ ២៧៦ដុល្លារ)។ ត្បិតមានការគំរាមកំហែងពិការឆ្លងមេរោគ COVID-19 ក៏ SM នៅតែរវល់ជាប់ក្នុងការចេញបទថ្មី ផ្សព្វផ្សាយផ្សេងៗ ទាំងការចាប់ក្រុមតូចៗ និងរៀបចំបទថ្មីឲ្យតារាទោល។
២. ផលិតកម្ម YG
YG ឯណេះវិញក៏មិនអន់ដែរ ព្រោះថាក្រុមហ៊ុននេះអាចរកប្រាក់ចំណេញដល់ទៅ ២០០ ០០០ ០០០វ៉ុន (ប្រហែល ១៦៧ ៨២១ដុល្លារ) ឯណោះក្នុងឆមាសទី១។ ប្រជាប្រិយភាព និងចំណូលអាចកើនឡើងបែបនេះ ដោយសារការចេញមុខជាថ្មីរបស់ BLACKPINK ក៏ដូចជាវត្តមានបង្ហាញខ្លួនដំបូងរបស់ក្រុមថ្មី TREASURE។
៣. ផលិតកម្ម JYP
សម្រាប់ផលិតកម្មនេះវិញ រកចំណូលបាន ១៩ ២០០ ០០០ ០០០វ៉ុន (ប្រហែល ១៦ ១១០ ៨២៩ដុល្លារ)។ ITZY និង TWICE បានវិលមករកអ្នកគាំទ្រតាមរយៈអាល់ប៊ុមតូចៗ អង្រួនវិស័យ K-Pop មិនធម្មតា។
៤. ផលិតកម្ម Big Hit
ចូលដល់ Big Hit ត្បិតមិនមានតារាច្រើន ប៉ុន្តែក្រុមហ៊ុននេះមានឱកាសរកចំណូល និងចំណេញដល់ទៅ ៤៩ ៧០០ ០០០ ០០០វ៉ុន (ប្រហែល ៤១ ៧០៣ ៥៥៣ដុល្លារ) ក្នុងឆមាសទី១នេះ និងមានការទស្សន៍ទាយទុកថា ចូលដល់ឆមាសទី២ Big Hit នឹងកាន់តែមានឱកាសពិសេសក្នុងការកាន់ចំណាត់ថ្នាក់ផលិតកម្មរកលុយបានច្រើន៕