Barca ប្ដូរចិត្ត៣៦០ដឺក្រេចង់រក្សាទុក Coutinho វិញ ក្រោយជួយ Bayern ឈ្នះពាន

2020-08-25 02:55:38
ចំនួនមតិ 0 | ចំនួនចែករំលែក 0

ចន្លោះមិនឃើញ

Philippe Coutinho គ្រោងនឹងត្រឡប់ជាកីឡាករជម្រើសដំបូងវិញនៅ Barcelona ក្រោយមានការពិភាក្សាគ្នាជាមួយអ្នកចាត់ការថ្មី Ronald Koeman។

សម្រាប់ការខ្ចីជើងរបស់កីឡាករសញ្ជាតិប្រេស៊ីលទៅកាន់ Bayern Munich បានក្លាយជារឿងអស្ចារ្យដោយជួយក្រុមកាលពីថ្ងៃអាទិត្យឈ្នះពាន Champions League ជាលើកទី៦ ក្រោយឈ្នះ PSG ១-០ ក្នុងទីក្រុង Lisbon។

យ៉ាងណាក្ដី Bayern ធ្លាប់បានបញ្ជាក់ថា ពួកគេគ្មានបំណងទិញយក Coutinho ទេ។ ហើយកន្លងទៅក៏មានដំណឹងក្លឹបនៅ Premier League ចង់បានកីឡាករវ័យ២៨ឆ្នាំទៅដែរ។ ប៉ុន្តែអ្នកចាត់ការសញ្ជាតិហុល្លង់លោក Koeman ដែលមកជំនួសកន្លែងលោក Setien បានទូរសព្ទទៅកាន់ Coutinho កាលពីព្រឹកថ្ងៃច័ន្ទដើម្បីបញ្ជាក់ថា គេគឺជាផ្នែកមួយនៃគម្រោងរបស់លោកនៅរដូវកាលក្រោយ។

បន្ទាប់ពីអបអរទៅកាន់ Coutinho សម្រាប់ការឈ្នះ UCL លោក Koeman បាននិយាយថា អតីតកីឡាកររបស់ Liverpool រូបនេះនឹងបង្ហាញខ្លួនទៀងទាត់ក្នុងការប្រកួតក្រោមការដឹកនាំរបស់លោកជាមួយ Barcelona នៅរដូវកាល២០២០-២១ និងមានតំណែងសំខាន់មួយដើម្បីលេង៕

ប្រភព៖ Dailymail ប្រែសម្រួល៖ ហេង សុធារិទ្ធិ