Klopp ថា Bayern ឈ្នះ UCL ដោយសារសំណាងតិចៗ ព្រោះ...

2020-08-25 07:03:08
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Jurgen Klopp អ្នកចាត់ការក្រុម Liverpool យល់ថាក្រុម Bayern Munich ឈ្នះពានរង្វាន់ UEFA Champions League រដូវកាលនេះ ព្រោះមានសំណាងក្នុងនោះដែរ ដែលពួកគេមានពេលរៀបចំក្រុមបានយូរ។

Bayern Munich បានយកឈ្នះក្រុម PSG ក្នុងលទ្ធផល ១-០ វគ្គផ្ដាច់ព្រ័ត្រពានរង្វាន់ UEFA Champions League ។ ក្នុងការប្រកួតនោះដែរ លោក Klopp អ្នកចាត់ការក្រុម Liverpool មើលឃើញថាក្រុមយក្សអាល្លឺម៉ង់មានកីឡាករល្អគ្រប់តំបន់តែម្ដង ដែលធ្វើឱ្យពួកគេជោគជ័យខ្លាំងក្នុងការប្រកួត។ ទន្ទឹមគ្នានឹងកីឡាករល្អនេះដែរ ការឈ្នះ UCL លើកទី៦របស់ Bayern Munich នេះក៏មានសំណាងក្នុងនោះបន្តិចបន្តួចដែរ។

លោក Klopp បានពន្យល់ពាក្យសំណាងដែលលោកប្រើនោះថា ក្រុម Bayern Munich មានកាលវិភាគល្អមែនទែនដើម្បីបញ្ចប់លីគ និងដើម្បីត្រៀមខ្លួនសម្រាប់លេង UEFA Champions League ។ លីគអាល្លឺម៉ង់ជាលីគទី១នៅក្នុងចំណោមលីគធំៗនៅអឺរ៉ុប ដែលបើកការប្រកួតមុនគេ ដើម្បីបញ្ចប់រដូវកាល។ ដែលនេះ ជាកត្ដាអំណោយផលមែនទែនសម្រាប់ពួកគេ ប្រមូលកីឡាករ និងមិនមានបញ្ហាកីឡាកររបួសនោះទេ៕

ប្រភព៖ Goal អត្ថបទ៖ ប្រុស យុទ្ធ