Coman និយាយថា បើ Neymar បន្តនៅ គេមិនត្រឡប់ទៅកាន់ PSG វិញទេ

2020-09-01 08:34:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើប្រយុទ្ធរបស់ Bayern Munich កីឡាករ Kingsley Coman បានបដិសេធមិនត្រឡប់ទៅកាន់ក្លឹបយុវជនរបស់ខ្លួន Paris-Saint Germain ទេ ប្រសិនបើ Neymar បន្តនៅ។

Coman ដែលបង្ហាញខ្លួនប្រកួតអាជីពដំបូងជាមួយ PSG បានលើកឡើងថា វត្តមានរបស់ Neymar នៅក្នុងក្លឹបគឺមិនអាចធ្វើឲ្យគេត្រឡប់ទៅកាន់កីឡដ្ឋាន Parc des Princes វិញទេ។

Coman បានក្លាយជាវីរបុរសរបស់ Bayern ដោយបានតែតចូលតែមួយគ្រាប់គត់ក្នុងវគ្គផ្ដាច់ព្រ័ត្រ UCL យកឈ្នះ PSG។ កីឡាករសញ្ជាតិបារាំងមានអារម្មណ៍ឈឺចាប់ បន្ទាប់ពីទាត់បញ្ចូលទីគ្រាប់ដ៏សំខាន់ទល់នឹងក្លឹបក្នុងចិត្តរបស់គេ។ ត្បិតនៅតែមានក្ដីស្រឡាញ់លើ PSG តែគេបដិសេធមិនត្រឡប់ទៅវិញក្នុងរដូវក្ដៅនេះទេ។

“វាពិតជាស្មុគស្មាញ។ ប្រសិនបើ Neymar លេងនៅខាងឆ្វេង វាស្ទើរតែមិនអាចទៅរួចសម្រាប់ការត្រឡប់ទៅវិញ។ Paris មិនមែនស្ថិតក្នុងផែនការអាជីពរបស់ខ្ញុំទេ។ PSG នៅតែជាក្លឹបក្នុងចិត្ត។ ប៉ុន្តែសម្រាបខ្ញុំ វាគឺជាការសម្រេចចិត្តដ៏ត្រឹមត្រូវដែលចាកចេញ ហើយប្រសិនខ្ញុំមិនចាកចេញទេ ខ្ញុំប្រហែលមិនស្គាល់ជាតិឈ្នះ UCL ទេ"។ សម្ដី Coman៕

ប្រភព៖ Dailymail ប្រែសម្រួល៖ ហេង សុធារិទ្ធិ