នៅអាស៊ីអាគ្នេយ៍ទូរសព្ទតម្លៃក្រោម ១៤៩ដុល្លារ ពេញនិយមខ្លាំងជាងគេ

2020-09-02 07:30:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនស្រាវជ្រាវទីផ្សារ Counterpoint បានបង្ហាញទិន្នន័យអំពីទីផ្សារស្មាតហ្វូននៅអាស៊ីអាគ្នេយ៍ប្រចាំត្រីមាសទីពីរ ឆ្នាំ ២០២០ នេះ ដែលបានបង្ហាញថាស្មាតហ្វូនតម្លៃក្រោម ១៤៩ដុល្លារ កាន់តែទទួលបានការពេញនិយមខ្លាំងនៅតំបន់នេះ។

ស្មាតហ្វូនតម្លៃក្រោម ១៤៩ដុល្លារ មានចំណែក ៦៧% នៃចំនួនស្មាតហ្វូនដែលលក់ចេញនៅអាស៊ីអាគ្នេយ៍នៅត្រីមាសទីពីរ ដែលធៀបនឹងត្រីមាសទីមួយវាមានចំណែក ៥៩%។ ដោយឡែកស្មាតហ្វូនដែលពេញនិយមបន្ទាប់គឺស្មាតហ្វូនតម្លៃចន្លោះពី ១៥០ដុល្លារ ទៅ ២៤៩ដុល្លារ មានចំណែក ២១% និងស្មាតហ្វូនតម្លៃ ២៥០ដុល្លារ ទៅ ៣៩៩ដុល្លារ មានចំណែក ៧% ហើយស្មាតហ្វូនតម្លៃ ៤០០ដុល្លារឡើងមានចំនួន ៥% ប៉ុណ្ណោះ។

សម្រាប់ក្រុមហ៊ុនដែលមានចំណែកទីផ្សារធំជាងគេនៅអាស៊ីអាគ្នេយ៍ប្រចាំត្រីមាសទីពីរគឺក្រុមហ៊ុន OPPO ដែលមានចំណែកទីផ្សារ ២០,៣% អាចដណ្ដើមបានតំណែងលេខមួយពី Samsung ដែលមានចំណែកទីផ្សារ ១៩,៥%។ vivo Xiaomi និង realme តាមពីក្រោយជាមួយចំណែកទីផ្សារ ១៧,៩% ១៤% និង ១២,៨%។

គួរដឹងថាចំនួនស្មាតហ្វូនដែលលក់បាននៅត្រីមាសទីពីរ នៅក្នុងតំបន់អាស៊ីអាគ្នេយ៍មានចំនួន ២៤លានគ្រឿង ធ្លាក់ចុះ ២២% បើធៀបនឹងត្រីមាសទីពីរឆ្នាំ ២០១៩៕

ប្រភព៖ vnexpress ប្រែសម្រួល៖ សុខហេង