ទីបំផុត ដឹងថ្ងៃ ម៉ោងចេញ និងចំណងជើង បទដំបូងរបស់ ព្រាប សុវត្ថិ នៅ Galaxy ហើយ!
- 2020-09-05 01:29:58
- ចំនួនមតិ 0 | ចំនួនចែករំលែក 0
ទីបំផុត ដឹងថ្ងៃ ម៉ោងចេញ និងចំណងជើង បទដំបូងរបស់ ព្រាប សុវត្ថិ នៅ Galaxy ហើយ!
ចន្លោះមិនឃើញ
ចាប់តាំងពីថ្ងៃបោះជំហានផ្លូវការចូលផលិតកម្ម Galaxy Navatra កាលពីចុងខែសីហាមក ប្រិយមិត្តរបស់លោក ព្រាប សុវត្ថិ និងផលិតកម្មផ្ទាល់រំពឹងអំពីថ្ងៃចេញផ្លូវការនៃរបស់តារាចម្រៀងប្រុសផ្លូវការ ហើយឥឡូវនេះដំណឹងនោះបានចេញមកផ្លូវការហើយ។
តាមលោក យឹម តាស្រង់ នាយកគ្រប់គ្រងផលិតកម្ម បានលើកឡើងថា លោកដឹងថា ប្រិយមិត្តរបស់ផលិតកម្ម និងប្រិយមិត្តរបស់តារាចម្រៀង ពិតជាទន្ទឹងរង់ចាំបទចម្រៀងដំបូងរបស់លោក ព្រាប សុវត្ថិ ចេញនៅ Galaxy។ ដូច្នេះហើយ ផលិតកម្មបានដុតដៃដុតជើងខ្លាំំងណាស់លើរឿងនេះ។ មកដល់ពេលនេះ អ្វីៗបានស្រេចបាច់ហើយ នៅរង់ចាំតែថ្ងៃបញ្ចេញប៉ុណ្ណោះ។
តាមការបញ្ជាក់របស់ថ្នាក់ដឹកនាំដដែលបានឱ្យដឹងថា បទចម្រៀងដំបូងរបស់តារាចម្រៀងជើងចាស់ នឹងចេញផ្លូវការនៅថ្ងៃអាទិត្យស្អែកនេះតែម្ដង នៅវេលាម៉ោង 7ព្រឹកនៅលើ YouTube Channel របស់ផលិតកម្ម Galaxy Navatra។
បទដំបូងរបស់ ព្រាប សុវត្ថិ នៅផលិតកម្ម Galaxy នេះ មានចំណងជើងថា "ជ្រូកយំពេញទ្រុង” ជាចង្វាក់កន្ទ្រឹម សម្រាប់រាំលេងសប្បាយៗនាឱកាសបុណ្យភ្ជុំបិណ្ឌប្រពៃណីជាតិយើង ខាងមុខនេះ។ ដូច្នេះរង់ចាំមើល និងស្ដាប់ទាំងអស់គ្នា!