ឃើញស៊ុយអែតចាញ់បារាំង Zlatan ដៀលគ្រូបង្វឹកកប់ៗមាត់
- 2020-09-07 12:33:59
- ចំនួនមតិ 0 | ចំនួនចែករំលែក 0
ឃើញស៊ុយអែតចាញ់បារាំង Zlatan ដៀលគ្រូបង្វឹកកប់ៗមាត់
ចន្លោះមិនឃើញ
ខ្សែប្រយុទ្ធជនជាតិស៊ុយអែតកីឡាករ Zlatan Ibrahimovic បានរិះគន់គ្រូបង្វឹកក្រុមជម្រើសជាតិស៊ុយអែតលោក Janne Andersson ថា ចេះតែរើសមនុស្សអសមត្ថភាពដាក់ក្នុងក្រុម។
Inbrahimovic បានបញ្ចេញកំហឹងក្នុងបណ្ដាញ Twitter ថា៖ " ជារឿងកំប្លែងសុទ្ធតែម្ដងបាទ! គ្រូនេះដាក់មនុស្សអសមត្ថភាពចូលលេង ហើយធ្វើឲ្យបាល់ទាត់ស៊ុយអែតចុះខ្សោយ " ។
ការលើកឡើងបែបនេះដែរ ក្រោយពេលដែលលោក Andersson សម្រេចដាក់ខ្សែបម្រើ Sebastian Larsson វ័យ ៣៥ឆ្នាំ ដែលលេងនៅក្លឹបក្នុងស្រុក ចូលលេងជម្រើសដំបូង ខណៈខ្សែស្លាបវ័យ ២០ឆ្នាំលេងនៅ Juventus កីឡាករ Dejan Kulusevski ចូលលេងបាន ២០នាទីក្នុងប្រកួត UEFA Nations League ប៉ះនឹងបារាំង។
ស៊ុយអែតបានចាញ់បារាំង ១-០ ក្នុងប្រកួតដំបូងនៃក្របខ័ណ្ឌជម្រើសជាតិអឺរ៉ុបមួយនេះ៕