ទីបំផុត Real ដាក់តម្លៃលក់សម្រាប់ Bale មិនលើសពីតម្លៃរបស់ James ប៉ុន្មានទេ
- 2020-09-10 02:43:43
- ចំនួនមតិ 0 | ចំនួនចែករំលែក 0
ទីបំផុត Real ដាក់តម្លៃលក់សម្រាប់ Bale មិនលើសពីតម្លៃរបស់ James ប៉ុន្មានទេ
ចន្លោះមិនឃើញ
ក្លឹប Real Madrid ព្រមអនុញ្ញាតឲ្យ Gareth Bale ចាកចេញពីក្រុមហើយដោយដាក់តម្លៃខ្លួនត្រឹមតែ២២លានផោនប៉ុណ្ណោះ។
Bale ត្រូវបានរាយការណ៍អស់សង្ឃឹមក្នុងការចាកចេញពី Real Madrid បន្ទាប់ពីក្លឹបស្ទាក់ស្ទើរក្នុងការបង់ប្រាក់ផ្ដាច់លើកុងត្រានៅសល់រយៈពេល២ឆ្នាំរបស់គេដែលមានតម្លៃ៣០,២លានផោន ដើម្បីឲ្យទៅរកក្លឹបថ្មី។ ថ្មីៗកន្លងទៅ Bale ក៏បាននិយាយដែរថា Real បានធ្វើរឿងលំបាកសម្រាប់គេអាចចាកចេញពីក្លឹប។
ប៉ុន្តែបើតាមការចុះផ្សាយក្នុងប្រទេសអេស្ប៉ាញឲ្យដឹងថា Madrid ពេលនេះបានយល់ព្រមឲ្យ Bale ចេញហើយ ដោយទាមទារតម្លៃខ្លួនលក់ត្រឹម២២លានផោនប៉ុណ្ណោះ។ ប្រភពដដែលបន្តថា Zinedine Zidane លែងត្រូវការ Bale ទៀតហើយ ប៉ុន្តែក៏មិនឲ្យគេចេញដោយមិនទទួលបានប្រាក់ដែរ។ ក្រុមធំនៅអង់គ្លេស២គឺ Manchester United និង Spurs មានការចាប់អារម្មណ៍លើ Bale។
Zidane នឹងធ្វើការជួបប្រជុំជាមួយ Bale ក្នុងសប្ដាហ៍នេះដើម្បីសម្រេចចិត្ត តើជំហ៊ានបន្ទាប់ត្រូវធ្វើអ្វីទៀត។ Madrid ទើបតែលក់ James Rodriguez ទៅឲ្យ Everton នៅដើមសប្ដាហ៍នេះក្នុងតម្លៃខ្លួនត្រឹមតែ២០លានផោនប៉ុណ្ណោះ៕