ក្រោយបានប្ដីជាកូនសេដ្ឋី និងកើតបានកូនប្រុសម្នាក់ ទ្រព្យរបស់ Ming Xi កាន់តែហូរហៀរ
- 2020-09-10 03:19:30
- ចំនួនមតិ 0 | ចំនួនចែករំលែក 0
ក្រោយបានប្ដីជាកូនសេដ្ឋី និងកើតបានកូនប្រុសម្នាក់ ទ្រព្យរបស់ Ming Xi កាន់តែហូរហៀរ
ចន្លោះមិនឃើញ
បន្ទាប់ពីបានរៀបការជាមួយនឹង Mario Ho កាលពីឆ្នាំ ២០១៩ និងកើតបានកូនប្រុស Ronaldo ឲ្យគ្រួសារមហសេដ្ឋីប្រចាំហុងកុង-ម៉ាកាវ Stanley Ho មក ជីវិតរបស់ Ming Xi កាន់តែស្រស់បំព្រង និងមានអ្នកសរសើរពីសំណាងរបស់នាងជាច្រើននាក់។
វិបសាយព័ត៌មាន Sina បានចេញផ្សាយអត្ថបទមួយដោយបានបង្ហាញពីទ្រព្យសម្បត្តិរបស់កូនប្រសាស្រីអ្នកមានដែលជាតារាម៉ូដែលរបស់ Victoria Secret រូបនេះនាពេលបច្ចុប្បន្ន។ ជាក់ស្ដែងក្រោយកើតបានកូនប្រុស នាងស្រាប់តែបានទទួលរង្វាន់ពីគ្រួសារខាងប្ដីនូវទឹកប្រាក់ចំនួន ១០០លានយ័ន (ខ្ទង់ ១៤ ៦២៥ ០២០ដុល្លារ)។
បន្ថែមពីលើនេះ នាង និងប្ដីក៏បានទទួលប្រាក់សម្រាប់ចិញ្ចឹមមើលថែកូន ដល់ទៅ ១០០លានយ័នបន្ថែមទៀតដែរ ប៉ុន្តែឯកសារក្រដាសស្នាម មូលនិធិនោះគឺជាកម្មសិទ្ធិរបស់ Ming Xi ជាអ្នកកាន់កាប់។
មិនទាន់អស់ទេ Ming Xi ក៏នៅទទួលបានវីឡាស្កឹមស្កៃតម្លៃ ៤៥០លានយ័ន (ខ្ទង់ ៦៥ ៨១០ ៦៥៥ដុល្លារ) ពីម្ដាយក្មេកផងដែរ។ ប្រភពក៏បានឲ្យដឹងដែរថា រាល់អចលនទ្រព្យ និងលុយដែល Ming Xi ទទួលបាននោះមិនមែនត្រឹមសំបកក្រៅទេ មានន័យថានាងសុទ្ធតែមានសិទ្ធិកាន់កាប់ផ្ទាល់។
ប៉ុន្តែអ្វីដែលបានលើកឡើងខាងលើ គ្រាន់តែជាអ្វីដែលសារព័ត៌មានផ្សព្វផ្សាយ និងមិនទាន់មានការបញ្ជាក់ផ្លូវការពី Ming Xi និងក្រុមគ្រួសារនៅឡើយទេ។ ទោះជាយ៉ាងណា មនុស្សជាច្រើននៅតែជឿជាក់ថា វាអាចជាការពិតមែន ស្របពេលគ្រួសារសាច់ថ្លៃនាងជាអ្នកមានខ្លាំង ហើយក្រោយកើតបានកូនប្រុសទៀត នាងរឹតតែទទួលបានក្ដីស្រឡាញ់ និងការយកចិត្តទុកដាក់ខ្លាំងពីពួកគេ៕