ញាក់សាច់ពេលដឹងតម្លៃខ្លួន រថថាំងប្រកួតចុងក្រោយ នៅសង្វៀនក្នុងស្រុកបានជិតម៉ឺនដុល្លារ

2020-09-10 07:44:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពល្បីល្បាញចេះតែកើនជាបន្តបន្ទាប់ អ្នកប្រដាល់ថៃ រថថាំង ជិតមឿងនុនទទួលបានតម្លៃខ្លួនដល់ទៅ៣សែនបាត (ជិត១ម៉ឺនដុល្លារ) សម្រាប់ការប្រកួតចុងក្រោយរបស់ខ្លួននៅសង្វៀនក្នុងប្រទេសថៃ។

រថថាំងបានប្រកួតចុងក្រោយនៅសង្វៀនក្នុងស្រុកប៉ះជាមួយសិស្សច្បង កាវណា កាលពីដើមឆ្នាំ២០២០ នៅសង្វៀន Rajadamnern។ មុនការប្រកួតមកដល់ក៏មានកិច្ចសម្ភាសន៍ជាមួយកីឡាករទាំងពីរ ផងដែរ។ ក្នុងនោះរថថាំងបានប្រាប់ពីតម្លៃខ្លួនដែលគេទទួលសម្រាប់ប្រកួតនេះគឺបាន៣សែនបាត ឯកាវណាបាន១,៥សែនបាត។

ចំពោះការប្រកួតដ៏ស្វិតស្ចាញរវាងអ្នកទាំងពីរបានបញ្ចប់៥ទឹកពេញ ជាលទ្ធផលកាវណាឈ្នះពិន្ទុ បញ្ចប់ភាពមិនដែលចាញ់របស់រថថាំងនៅ១២ប្រកួតចុងក្រោយ។ បន្ទាប់ពីចប់ប្រកួតនេះមក រថថាំងមិនដែលប្រកួតនៅសង្វៀនក្នុងស្រុកទៀតឡើយ ដោយសារប្រដាល់ក្នុងស្រុកថៃត្រូវផ្អាកព្រោះតែវីរុសកូវីដ-១៩រាតត្បាត។

យ៉ាណាកាលពីចុងខែកក្កដា ឆ្នាំ ២០២០ រថថាំងបានបង្ហាញខ្លួននៅសង្វៀនអន្តរជាតិ ONE Championship ដែលរៀបចំនៅប្រទេសថៃ បានការពារខ្សែការវាត់របស់ខ្លួនបានសម្រេចទល់នឹងភិចដាំ។ តាមព័ត៌មានចុងក្រោយ រថថាំងនឹងត្រូវចេញសងសឹកជាមួយកាវណានៅថ្ងៃទី ៥ ខែ តុលាខាងមុខនេះនៅសង្វៀន Rangsit ក្នុងប្រទេសថៃ៕

ការប្រកួតរបស់រថថាំង និងកាវណា