ព្រះសង្ឃ៤៦អង្គ នៅស្រុកឯកភ្នំ មានអាការៈ ក្អក និង ហៀរសំបោរ រយៈពេល៦ថ្ងៃមកហើយ
- 2020-09-14 04:09:09
- ចំនួនមតិ 0 | ចំនួនចែករំលែក 0
ព្រះសង្ឃ៤៦អង្គ នៅស្រុកឯកភ្នំ មានអាការៈ ក្អក និង ហៀរសំបោរ រយៈពេល៦ថ្ងៃមកហើយ
ចន្លោះមិនឃើញ
មានករណីក្តៅខ្លួន (>៣៧,៥) ក្អក ហៀរសំបោរ រយៈពេល6ថ្ងៃហើយ កើតមានចំពោះព្រះសង្ឃចំនួន 46អង្គ មានព្រះជន្មពី១១-១៩ព្រះវស្សា គង់នៅវត្តស្វាយដង្គំ ស្រុកឯកភ្នំ ដែលនិមន្តមកពីតាមខេត្តនានា ដើម្បីសិក្សានៅសាលាពុទ្ធិកបឋមសិក្សា ក្នុងវត្តនេះ ហេីយទទួលការព្យាបាលបានធូរស្រាលខ្លះៗហើយ។
បន្ទាប់ពីទទួលបានព័ត៌មាន និការណែនាំរបស់ឯកឧត្តម ងួន រតនៈ អភិបាលខេត្តបាត់ដំបង នៅវេលាម៉ោងជាង ១៩ យប់មិញនេះ ក្រុមការងារ RRT មន្ទីរសុខាភិបាលខេត្តដឹកនាំដោយលោកវេជ្ជបណ្ឌិត អ៊ុក វិទ្យា អនុប្រធានមន្ទីរ លោកប្រធានស្រុកប្រតិបត្តិសង្កែ និងសហការី បានចុះពិនិត្យ និងយកសំណាកចំនួន 21អង្គ ចំពោះព្រះសង្ឃ ដែលនៅមានកម្តៅ ហេីយថ្ងៃស្អែក ក្រុមការងារនឹងបន្តចុះយកសំណាកទៀត។
ក្រុមការងារបានណែនាំ លោកអាចារ្យ គណៈគ្រប់គ្រងសាលាពុទ្ធិកៈ ឱ្យចេះអនុវត្តនូវវិធានអនាម័យការពារខ្លួន ពាក់ម៉ាស់ ឆាន់ទឹកក្តៅ។
ការកំណត់ស្ថានភាពរួមជាបឋមមិនមានភាពធ្ងន់ធ្ងរទេ ប៉ុន្តែយើងត្រូវបន្តតាមដានដោយយកចិត្តទុកដាក់ជាបន្តទៀត ហេីយបេសកកម្មត្រូវបានបញ្ចប់នៅម៉ោង ២៣។